Agrarlyq sektordaǵy baılanys artady

Qazaqstannyń О́zbekstandaǵy Tótenshe jáne ókiletti elshisi Erik О́tembaev О́zbekstan Premer-mınıstriniń orynbasary, Aýyl sharýashylyǵy jáne sý resýrstary mınıstri Zaır Myrzaevpen kezdesti. Kezdesý barysynda aýyl sharýashylyǵy salasy eki el arasyndaǵy yntymaqtastyqty keńeıtý isinde mańyzdy vektorlardyń biri ekeni atap ótildi. Dostyq ráýishte ótken kezdesýde taraptar birinshi kezekte О́zbekstannyń aýyl sharýashylyǵy salasyna Qazaq­stannan ınvestısııa tartý, sondaı-aq, О́zbekstannan elimizge aýyl sharýa­shylyǵy ónimderin eksporttaý isin­degi ekijaqty yntymaqtastyq máse­leleri men perspektıvalary sóz boldy. Budan bólek, sońǵy ýaqyttarda О́zbekstannan Qazaqstanǵa kókónis, jemis-jıdek molynan jóneltilip jatqany, ózbek aǵaıyndardyń aýyl­sha­­rýashylyq ónimderin Reseıge tasy­mal­daý máselesi áńgime arqaýyna aı­­­­naldy. Osy arada qazaqstandyq ká­­­sipkerlerdiń О́zbekstannyń sheka­ra­­­lyq aımaqtarynda daıyndalatyn kep­tirilgen jemis-jıdekter men jańa pis­ken ónimderge joǵary deńgeıde qy­zyǵýshylyq tanytyp otyrǵany aı­tyldy. О́z kezeginde Z.Myrzaev óz eliniń aýyl sharýashylyǵy ónimderin óńdeý já­ne saqtaý, melıorasııa júıesin je­tildirý, atalǵan salaǵa ozyq teh­no­lo­gııa tartý, sondaı-aq, resýrs únem­deý­shi jáne energetıkalyq turǵyda tıim­di óndiristik úderisterdi keńinen paı­dalaný máselelerine den qoıyp otyr­ǵanyn jetkizdi. Al Erik О́tembaev eki eldiń eko­no­mıkalyq baılanystarynyń ke­le­­shegi zor ekenine toqtaldy. Onyń aı­­týynsha, ekijaqty ekonomı­ka­lyq yntymaqtastyq isinde ne­gizi­nen shekaralyq jáne óńir­aralyq yq­­­paldastyqty damytý joldaryn qa­­ras­tyrý, eki eldiń qaıta óńdeý ká­sip­oryndary men sharýa qo­jalyq­ta­ry­nyń kooperasııasyn quryp, olar­­dy keńeıtý, aýylsharýashylyq ma­­shı­nalaryn shyǵaratyn birlesken ká­­siporyn qurý, eki jaqqa ortaq agro­óner­kásiptik keshen klasterin uıym­das­tyrý máseleleri mańyzdy. Sondaı-aq, Qazaqstan elshisi jyly­jaı­­lar salý, egin sharýashylyǵy, je­mis-jıdek pen kókónisti tereń óńdeý sa­­lasyndaǵy qazaqstandyq jáne óz­bek­­standyq mamandardyń arasynda jańadan baılanys ornatý qajettigin atady. Son­daı-aq, ol qazaqstandyq ma­man­dar О́zbekstan melıoratıvtik óner­kásibiniń ozyq tájirıbelerin úı­­renýge jáne osy eldiń baý-baq­sha sa­lasyndaǵy fermerlermen tá­ji­rı­be almasýǵa múddeli ekenin sóz et­ti. Bu­ǵan qosa, elshi О́zbekstan ta­ra­py­nyń asyl tuqymdy qoı jáne jyl­qy ósirýge qyzyǵýshylyq tanytyp otyr­­ǵanyn eskere kelip, olarǵa j­a­ńa teh­­nologııaǵa negizdelgen qazaq­stan­dyq mal sharýashylyǵynyń áleýetin paı­da­lanýdy usyndy. Jalpy, qazaq-ózbek ynty­maq­tas­ty­ǵynda sý sharýashylyǵy men Aral te­ńi­ziniń máseleleri aıryqsha mánge ıe. Osy oraıda, taraptar aýyz sý men egin­ge paıdalanatyn sý tapshylyǵyna alań­daýshylyq bildire kelip, Ortalyq Azııadaǵy iri ózenderdiń joǵarǵy já­ne tómengi jaǵynda ornalasqan mem­le­ket­terdiń ózara kelisimi qajet ekenin qoz­ǵady. Osy arada E.О́tembaev Aral ma­ńyn jáne ózge de shóleıttengen jer­lerdi qaıta jańǵyrtý baǵytynda kúsh biriktirý mańyzdy ekenin atady. Sonymen qatar, E.О́tembaev Qazaq­s­tan­ men О́zbekstan barlyq sa­la­da bir­lese, túsinistikpen jumys is­te­se, Or­ta­lyq Azııa aımaǵyndaǵy azyq-tú­lik qaýipsizdigi qamtamasyz eti­letinin sóz etti. Kezdesý sońynda taraptar aýyl sha­­rýashylyǵy salasyndaǵy ekijaqty yn­­tymaqtastyqtyń keleshegi zor eke­nine nazar aýdara kelip, qazaq já­ne óz­bek taýar óndirýshileriniń óza­ra qa­rym-qatynasyn jaqsartý maq­sa­tyn­da kez kelgen máseleler boıynsha aq­­parat al­masýdy jalǵastyrý týraly she­shim qa­byldandy, dep habarla­dy Qa­zaq­stan­nyń О́zbekstandaǵy el­shi­li­gi­niń baspasóz qyzmeti.