Oblys ekonomıkasyna ınvestısııa tartý jumysyna asa mán berilip otyr. Osyǵan oraı oblys basshylyǵy jáne belgili kásipkerlerdiń halyqaralyq qarjy ınstıtýttary – Azııa damý banki, Dúnıejúzilik bank, Eýropa qaıta qurý jáne damý banki, Qazaqstannyń damý banki ókilderimen kezdesýi boldy. Mańyzdy sharany ashqan oblys ákimi Arhımed Muhambetov áriptes qonaqtarǵa óńir ekonomıkasyn damytý úshin syrttan ınvestısııa tartýǵa erekshe mán berilip otyrǵanyn atap ótti. Investorlar úshin oblysta qolaıly jaǵdaı bar ekendigin de eske sala otyryp, sońǵy jyldary qol jetken jetistikterge sholý jasady.
Oblystyń ónerkásip qurylymynda sońǵy jyldary óńdeý salasynyń úlesi artyp, ol 52 paıyzǵa jetti. Qurylys ındýstrııasynda, mashına jasaýda, metalılek salasynda qýatty kásiporyndar ashyldy. О́ńdeý kásiporyndaryn iske qosý ınvestısııalyq mol qarjynyń arqasynda múmkin bolady. Sondyqtan, oblys ákiminiń jańa orynbasary tek syrtqy baılanys, ındýstrııalyq damý, ınvestısııa tartý máselelerimen aınalysady. Ýaqytynda osy ınvestısııa tartý jumystarynyń aqsaýy saldarynan aýdandar men qalalarda jumysy bastalmaı jatyp tastalǵan kásiporyndar qazir qańyrap tur. О́tken jyly bir kezderi memlekettik baǵdarlama aıasyndaǵy joba dep sanalǵan, kredıt alyp, qanshama qarjyny jelge ushyryp, qazir jumysy toqtap turǵan osyndaı nysandar qaıta tekserilip, olardyń tizimi jasaldy. Oblys basshylyǵy men mamandar ınvestısııa tartyp, múmkindikter qarastyrylsa, olardy áli de qatarǵa qosýǵa bolady dep túıgen edi.
– Qazir tólqujattalǵan osyndaı 152 nysandy nazarǵa alyp otyrmyz. Bular bizdiń ústelimizdiń ústinde jatatyn kitapshamyz sekildi, olardy túrli forýmdar men kezdesýlerde ınvestorlarǵa usynamyz. Investorlar ynta bildirse, memleket te qarap qalmaıdy. Bul iske áleýmettik-kásipkerlik korporasııa, memlekettik baǵdarlamalar arqyly memlekettiń qatysýy qamtamasyz etiledi. Demek osy óndiristik nysandarǵa gaz, sý júrgizý, jol tóseý kerek bolsa, ınfraqurylymyn jaqsartýǵa barynsha kómek beremiz, sonymen qatar ınvestısııalyq sýbsıdııa usyný da bolady, – dedi oblys ákimi Arhımed Muhambetov.
О́ńir basshysy dál qazir ınvestısııaǵa muqtaj jobalardyń birsypyrasyn atap ta ótti. Mysaly, Qostanaı qalasynyń soltústik-batys bóliginde salynatyn agroónerkásip parki 40 paıyz qarjylandyryldy, qalǵanyna ınvestısııa tartý kózdelgen. Sonymen qatar, Elızaveta jáne Qarabalyq kentterindegi broıler qus fabrıkalary, oblys aýdandary men qalalarynan túsetin birneshe jylyjaı, birneshe jelilik elevatorlar, Qostanaı qalasyndaǵy maı syǵatyn zaýyt ta ınvestoryn kútip tur.
Kezdesýde «Tobol» áleýmettik-kásipkerlik korporasııasy oblystaǵy ınvestısııa qajet etetin óndiristik nysandardy qarjy ınstıtýty ókilderine jaqynyraq tanystyrdy, al óz kezeginde bankter ókilderi de óz usynystary men múmkindikteri týraly aıtyp berdi. Oblys ákimi Arhımed Muhambetov pen Azııa damý bankiniń dırektory Djovannı Kapannellı yntymaqtastyq memorandýmyna qol qoıdy.
Názıra JÁRIMBETOVA,
«Egemen Qazaqstan»