Ońtústik Qazaqstan oblysynyń ákimi Janseıit Túımebaev QR Bilim jáne ǵylym mınıstri Erlan Saǵadıevpen kezdesti. Júzdesý barysynda Elbasy Joldaýy júktegen bilim men ǵylymdy damytýdyń memlekettik baǵdarlamasy talqylanyp, bilim berý mazmunyn jańartýdyń negizgi baǵyttary jóninde sóz qozǵaldy, dep habarlady OQO ákiminiń baspasóz qyzmeti.
О́z kezeginde Erlan Kenjeǵalıuly bazalyq oqýlyqtar ázirleýge qatysty mınıstrlik júrgizip jatqan reformalar týraly da sóz etti.
«Elimizde bilim salasyna erekshe mán berilip otyr. Jańa zamanǵa saı talaptar retimen engizilýde. Biz osyndaı qadamdar arqyly Qazaqstandaǵy bilim berý júıesin kútilgen standarttarǵa jetkizemiz. Taǵy bir jańalyqtar - elektrondy portal. Bul óz kezeginde muǵalimderdi qaǵazbastylyqtan bosatady. «Kúndelik» portaly men oqýshylardyń UBT jáne basqa da emtıhandarǵa daıyndalýyna kómekshi qural bolatyn «Vilim Land. Kz» ınternet portaly iske qosylyp otyr. Mektepterdi ınternetpen jáne ınteraktıvti taqtalarmen qamtý da basty nazarda bolady», - dedi Erlan Kenjeǵalıuly.
Bilim jáne ǵylym mınıstrligi bıyldan bastap jalpy bilim beretin mektepterdiń muǵalimderin attesttaýdyń jańa qaǵıdalaryn ázirlep shyqty. Budan bólek, balabaqshalarda, mektepterde, kolledjderde jáne JOO-larda memlekettik baqylaý sheńberinde táýekelderdi baǵalaý júıesi boıynsha jańa tásilder qoldanyla bastady.
Ońtústik Qazaqstan oblysy elimizdegi eń kóp oqýshylar toptasqan óńir bolyp sanalady. Ár jyl saıyn mektep tabaldyryǵyn attaıtyn balalar 30 myńǵa kóbeıip otyr. Jylyna ortasha eseppen 80 myńǵa jýyq náreste týylady. Sondyqtan da óńirde mektep tapshylyǵy týyndaýda.
«Jalpy, búginde oblysymyzda 1021 mektep bar. Aldaǵy 5 jylda 205 mekteptiń qurylysyn júrgizýdi josparlap otyrmyz. Elbasymyzdyń Joldaýyn iske masyrý barshamyzǵa mindet. Osy oraıda elimizdegi bilim men ǵylym júıesiniń aldaǵy reformalaryn birlese atqarýǵa nıettimiz. О́zimniń osy saladaǵy tájirıbem men bilimimdi bólisýge qashanda ázirmin», - dedi Janseıit Qanseıituly.
Aıta keteıik, oblysymyzda "Balapan" baǵdarlamasy aıasynda 3 pen 6 jas aralyǵyndaǵy balalardy mektepke deıingi uıymdarmen qamtý máselesi basty nazarǵa alynyp otyr. Aldaǵy 3 jylda memlekettik-jekemenshik áriptestigi aıasynda balabaqsha sanyn 100 paıyzǵa jetkizý josparlanýda. Kezdesý sońynda Bilim jáne ǵylym mınıstrligi men oblys ákimdigi Ońtústik óńirindegi bilim salasyndaǵy kúrmeýli máselelerdi birlese sheshýge ýaǵdalasty.