Aqorda kýlýarynda Ǵylym jáne joǵary bilim mınıstri Saıasat Nurbek elimizdegi test júıesine engiziletin aıtýly jańalyqpen bólisti. 2027 jyldan bastap Qazaqstanda Ulttyq biryńǵaı testileýge balama retinde jańa AIT (Admission Insight Test) emtıhany pılottyq rejımde iske qosylady, dep habarlaıdy Egemen.kz.
Jańa emtıhan álemge áıgili ETS kompanııasymen birlesip ázirlenip jatyr. Qazirdiń ózinde kompanııa delegasııasy Astanaǵa kelip, sheteldik ýnıversıtetterdiń fılıaldarymen alǵashqy kezdesýlerin bastap ketken.
UBT formaty ózgeredi: Endi talapkerler bir-aq ret test tapsyrady
Mınıstrdiń aıtýynsha, bul test bilim alýshylarǵa halyqaralyq deńgeıdegi múmkindikterdi ashady. ETS standarttaryna negizdelgendikten, bul test nátıjelerin Qazaqstandaǵy sheteldik joǵary oqý oryndarynyń fılıaldary ǵana emes, sheteldegi ýnıversıtetter de avtomatty túrde qabyldaıdy. AIT negizgi UBT-ny almastyrmaıdy, ol talapkerlerge qosymsha nusqa retinde usynylady.Negizgi emtıhanǵa deıin synaq testin tapsyryp kórý múmkindigi de saqtalady.
«Jańa testtiń basty basymdyǵy – onyń nátıjelerin barlyq sheteldik ýnıversıtet fılıaldary qabyldaıtyn bolady. Bul – sapanyń joǵary standarty, sondyqtan ol túsý prosedýralarynda avtomatty túrde tanylady», dedi Saıasat Nurbek.
Qazaqstan jańa formattaǵy UBT-ǵa qashan kóshedi?
Jańa júıe 2027 jyldan bastap synaqtan ótkizile bastaıdy.