Bank shotyńyz buǵattalsa ne isteý kerek?

Qarjy naryǵyn retteý jáne damytý agenttiginiń málimetinshe, shotty buǵattaýdyń birneshe yqtımal sebebi bar. Atap aıtqanda, alaıaqtyq nemese kúmándi operasııalarǵa baılanysty shekteý qoıylýy múmkin. Mysaly, iri kólemdegi nemese jıi jasalatyn aýdarymdar, ásirese shetelden túsetin qarajat. Sonymen qatar memlekettik organdardyń (salyq qyzmeti, sot oryndaýshylary, qarjylyq monıtorıng organdary) suraýy negizinde buǵattaý engizilýi yqtımal.

Budan bólek, bank júıesindegi tehnıkalyq aqaýlar, qate PIN-kod engizý nemese kartanyń jaramdylyq merziminiń aıaqtalýy da shotqa qoljetimdiliktiń shektelýine ákelýi múmkin.

Agenttik mundaı jaǵdaıda eń aldymen qandaı qadam jasaý kerektigin eske salady. Eger shot buǵattalǵany anyqtalsa, aldymen banktiń mobıldik qosymshasyndaǵy habarlamalardy tekserý qajet – kóbine sebep sol jerde kórsetiledi. Odan keıin bankpen koll-ortalyq arqyly baılanysyp nemese bólimshege baryp, tolyq aqparat alý usynylady.

Aǵymdaǵy shot qarjysyna paıyz esepteý: Bankter mundaı qadamǵa bara ma?

Sondaı-aq eGov.kz portaly nemese salyq tóleýshiniń kabıneti arqyly bereshektiń bar-joǵyn teksergen jón. Qajet bolǵan jaǵdaıda qarajattyń shyǵý kózin rastaıtyn qujattardy usyný talap etiledi.

Agenttik buǵattaý táýekelin azaıtý úshin birneshe qarapaıym qaǵıdany saqtaýǵa keńes beredi. Atap aıtqanda, jeke shotty kásipkerlik maqsatta paıdalanbaý, iri nemese kúmándi operasııalar týraly bankke aldyn ala habarlaý, sondaı-aq derbes derekterdiń ózektiligin jáne qujattardyń jaramdylyq merzimin baqylaý qajet. Sonymen birge bereshekterdi turaqty tekserip, ýaqytyly óteý mańyzdy.

Shottyń da suraýy bar