Qazaqstanda múgedektigi bar jandarǵa arnalǵan arbalar, protezder jáne ózge de tehnıkalyq ońaltý quraldaryn qaıtarymdy negizde, ıaǵnı jaldaý arqyly berý júıesi engizilmek. Bul týraly Úkimet otyrysynda Eńbek jáne halyqty áleýmettik qorǵaý mınıstri Asqarbek Ertaev málimdedi, dep habarlaıdy Egemen.kz.
Mınıstrdiń aıtýynsha, qazirgi qoldanystaǵy júıe quraldardy qaıtarymsyz negizde berýge baǵyttalǵan. Alaıda bul tásil quraldardyń naqty jaǵdaıyn, tozý deńgeıin jáne jóndeý múmkindigin tolyq eskermeıdi.
Múgedektigi bar jandardy jumysqa ornalastyrý kvotasy eki ese artady
Jańa úlgi boıynsha tehnıkalyq quraldar paıdalaný merzimi aıaqtalǵan soń nemese qajettilik bolmaǵan jaǵdaıda keri qaıtarylady. Odan keıin mynadaı kezeńderden ótedi:
Qaıtarylǵan quraldardyń jaǵdaıy tekseriledi. Quraldar jóndeýge jiberiledi, aýystyrylady, qaıta paıdalanýǵa beriledi nemese esepten shyǵarylady. Jóndelgen quraldar qaıtadan muqtaj jandarǵa beriledi, bul kezek kútý merzimin edáýir qysqartady.«Qaıtarymdy model tehnıkalyq ońaltý quraldarymen qamtamasyz etý merzimin qysqartýǵa jáne olardyń jergilikti jerlerdegi qoljetimdiligin arttyrýǵa múmkindik beredi», dep túsindirdi Asqarbek Ertaev.
Jańa joba bıylǵy maýsym aıynan bastap Aqtóbe, Qaraǵandy jáne Pavlodar oblysynda synaqtan ótkiziledi.
Synaq sátti ótken jaǵdaıda, jyldyń ekinshi jartyjyldyǵynan bastap joba búkil respýblıka boıynsha qamtylatyn bolady.