Áleýmettik jelilerde kásipqoı boksshy Gennadıı Golovkınniń jas kúnindegi vıdeosy jarııalandy. Vıdeo 2001 jyly maýsym aıynda boksshynyń 19 jasynda túsirilgen.
Bul onyń áýesqoı boksta qazaqstandyq jattyqtyrýshy Ǵalym Kenjebaevpen daıyndalyp júrgen kezi. Vesti.kz málimeti boıynsha GGG áýesqoı rıngte segizinshi jyl jattyǵyp júrgen shaq. 2000 jyly jastar arasynda jartylaı orta salmaqta álem chempıony atansa, 2001 jyly Shyǵysazııalyq oıyndarynda top jarǵan. Aqtyq synda qazirgi kásipqoı boksshy Denıel Gıldi jeńgen bolatyn.
Bul vıdeo túsirilgennen keıin bes jyldan soń Golovkın kásipqoı boksqa aýysty. Búginde orta salmaqta WBA (Super), IBO, WBC jáne IBF belbeýleriniń ıegeri, sharshy alańda 36 jekpe-jek ótkizip, bárin de jeńispen (33 nokaýt) aıaqtaǵan. Kelesi aıqasyn 18 naýryz kúni AQSh-tyń Nıý-Iork qalasyndaǵy Madison Square Garden arenasynda amerıkalyq Dennıel Djeıkobsqa qarsy ótkizedi.