Astanada kóp balaly analarǵa «Altyn alqa» men «Kúmis alqa» tabys etildi, dep habarlaıdy qalalyq ákimdiktiń baspasóz qyzmeti.
«Esil» aýdanynyń ákimi Ermaǵanbet Bólekpaev Halyqaralyq áıelder kúni qarsańynda jeti balanyń anasy Janar Baıjanovaǵa «Altyn alqa» tósbelgisin tabystady. Sonymen qatar, Aldabergenova Aqerke, Júnisova Baǵıla, Mahmetova Ásemgúl, Rýkaber Svetlana, Seıitqojaeva Gúlnár «Kúmis alqa» aldy.
Aıta keteıik, «QR memlekettik nagradalary týraly» Qazaqstan Respýblıkasynyń Zańyna sáıkes, analar 7 jáne odan kóp bala týyp, tárbıelegeni úshin «Altyn alqa» alady. Nagradtaý osy ananyń jetinshi balasy bir jasqa jetken jáne basqa balalary tiri bolǵan rette júrgiziledi.
«Kúmis alqa» alqasymen alty bala týǵan jáne tárbıelep ósirgen analar altynshy balasy bir jasqa jetken jáne basqa balalary tiri bolǵan rette nagradtalady.