Atyraý qalasynda Búkilálemdik boks serııasynyń (WSB) kezekti maýsymynda «Astana arlandary» men «Qytaı aıdaharlary» arasyndaǵy kezdesý ótedi. Osyǵan oraı búgin «Baızar» saýda ortalyǵynda jekpe-jekter aldyndaǵy baspasóz konferensııasy ótti, dep habarlady dodasport.kz.
«Astana arlandary» sekildi boks komandasynyń Atyraý jerinde synǵa túsýi úlken jaýapkershilikti qajet eteji. Bolashaq jas boksshylarymyz sheberlerdiń básekesin óz kózderimen tamashalap, solardan úlgi alady dep oılaımyn. Sonymen qatar, qalamyzda mundaı boks keshi buryn-sońdy bolmady», — deıdi Atyraý oblysy dene shynyqtyrý jáne sport basqarmasynyń basshysy Azamat Beket.
«Astana arlandary» boks klýbynyń bas bapkeri Nurlan Aqúrpekov Atyraýda da talantty boksshylar bar ekenin aıta ketti.
«75 keli salmaqta Amandyq Manashev pen 60 kelide Erjan Ordabaev jaqsy boksshylar eken. Bolashaqta osy jigitterden úlken nátıje kútýge bolady. Komandanyń biraz bóligi jastar. Sondyqtan barlyǵy áli alda», — deıdi bas bapker.
«Astana arlandary» men «Qytaı aıdaharlary» quramy tanystyrylyp, salmaq ólsheý rásimi ótti.
49 kg: Temirtas Júsipov — Djýndjýn He
56 kg: Ilııas Súleımenov — Long Vang
64 kg: Dilmurat Mıjıtov — Iаng Lıý
75 kg: Saparbaı Aıdarov — Mıngang Jao
91 kg: Anton Pınchýk — Sergeı Novıkov.
Aıta ketý kerek, bul dodaǵa kelgen Qytaı quramasynyń qatarynda myqty bokshylar bar. Mysaly 75 keli salmaqtaǵy Mıngang Jao Rıo Olımpıadasyna qatysqan. «Aıdaharlar» menedjeriniń aıtýy boıynsha qurama túgel delik Aspanasty eliniń chempıondarynan quralǵan.