Konstıtýsııalyq ózgeristerdi Qazaqstannyń saıası júıesin demokratııalandyrýdaǵy úlken qadam retinde qarastyrý kerek. Jalpy, osy ózgeristermen bizdiń saıası júıemizdiń tıimdiligi, turaqtylyǵy men teńgerimdiligi artatyny sózsiz. Elbasy óziniń biraz ókilettikterin Parlament pen Úkimetke berip jatyr, biraq, bul prezıdenttik basqarý júıesi álsireıdi degendi bildirmeıdi. Prezıdenttik basqarý júıesi saqtalady, Elbasy elimizdiń damýyndaǵy strategııalyq jáne ulttyq qaýipsizdik máselelerine, syrtqy saıasatqa basymdyq beretin bolady. Al ekonomıkalyq saıasatqa qatysty kúndelikti máseleler tolyǵymen Úkimettiń qaraýyna ótedi. Úkimet bul máselelerge tıisinshe ózi jaýap beretin bolady.
Konstıtýsııaǵa engizilip jatqan ózgeristerdi bir jaǵynan, halyqtyń bılikti qalyptastyrýdaǵy rólin kúsheıtý dep te baǵamdaýǵa bolady. О́ıtkeni, ózgerister júzege assa, tıisinshe, Parlamenttiń ókilettiligi kúsheıedi. Máselen, Parlament Úkimetti jasaqtaý úderisine de qatysatyn bolady. Parlament Úkimetke baqylaý jasap otyrsa, sol arqyly halyqtyń bılikti qalyptastyrýǵa, ekinshi jaǵynan, baqylaýǵa baılanysty múmkindikteri artady dep qarastyrý kerek. Sondyqtan, bul ózgeristerdi bizdiń saıası júıemizdi demokratııalandyrý úderisindegi mańyzdy da úlken qadam dep sanaımyn.
Máýlen ÁShIMBAEV,
Parlament Májilisiniń Halyqaralyq ister, qorǵanys jáne qaýipsizdik komıtetiniń tóraǵasy