«Eýrazııa aptalyǵy» forýmy EKSPO alańynda ótedi

3 naýryz kúni Premer-Mınıstrdiń birinshi orynbasary Asqar Mamın Eýrazııalyq ekonomıkalyq komıssııa Keńesiniń kezekti otyrysyna qatysty, dep habarlady Premer-Mınıstrdiń baspasóz qyzmeti. Kún tártibinde 24 másele qaral­dy. Komıssııa Keńesiniń otyrysy barysynda ıntegrasııalyq áleýetke ıe ekonomıka salasyna qatysty máseleler tal­qylanyp, ishki naryq sheńberinde tos­qaýyldardy azaıtý, sondaı-aq, jyl saıynǵy «Antıkontrafakt» halyqaralyq forýmyn ótkizýdi uıymdastyrý máseleleri qa­rastyryldy. «Antıkontrafakt» halyqaralyq forýmy Eýrazııalyq eko­no­mıkalyq odaq sheńberindegi pikir­ta­las alańy bolyp tabylady. Munda EAEO-ǵa múshe memleketterdiń ókilderi, osy saladaǵy halyqaralyq sarapshylar, bız­nes-qaýymdastyq pen ǵylym ókil­deri EAEO biryńǵaı naryǵyn qorǵap, ón­diristik ónimniń zańsyz aınalymy men zııa­tkerlik menshik quqyǵyn qamtamasyz etý máselelerin talqylaıdy. Kooperatıvti yntymaqtastyqtyń óza­ra tıimdi baǵyttarynyń tizbegi anyq­tal­dy. Ol ónerkásipti óńdeý salalarynda koope­ra­­tıvtik jobalardy jasaýǵa yntalan­dy­ra­dy. Otyrys barysynda EEK Keńesiniń mú­sheleri ústimizdegi jylǵy tamyz aıynda EKSPO-2017 kórmesi aıasynda «Eýrazııa ap­­talyǵy» forýmyn ótkizý týraly sheshim q­a­­­byldady. Forým EAEO elderi úkimeti, bız­­nes jáne halyqaralyq sarapshylar úshin Odaqqa múshe elderdiń ekonomıkasyn da­­mytýdaǵy ózekti máselelerdi talqylap, st­rategııalyq sheshimderdi ázirleýge ar­na­l­ǵan alańǵa aınalmaq. EEK otyrysynda Eýrazııalyq eko­no­mı­kalyq odaqty ári qaraı damytýǵa ba­ǵyt­tal­ǵan barlyq máseleler boıynsha ózara tıimdi sheshimderge qol jetkizildi.