Batyrhan Sársenhan, aqyn: «О́mir – jaqsylyq jasaýdan basqa eshteńe emes»

Stýdent kezinde-aq As­tanada ótken HVII Halyq­aralyq «Shabyt-2014» shy­­ǵarmashyl jas­tar fes­tı­valiniń «Úzdik áde­bı shy­ǵarma» atalymy (poe­zııa) boıynsha bas júldesin alǵan Batyrhan Sársenhan – bolashaǵynan úlken úmit kúttiretin aqyn. Bizdiń Batyrhanmen bolǵan búgingi áńgimemiz jas talanttyń óleńge, ómirge degen kózqa­rastary tóńireginde órbidi. – Batyrhan, óner ósken or­taǵa, topyraqqa baılanys­ty deıdi. О́zińe aqyndyq óner kim­nen darydy? – Ata-babamnyń boıynda aqyndyq qasıettiń bary ras. Biraq kez kelgen qazaqtyń atasynda aqyndyq bolýy múmkin. Meniń túsinigimde, úlken eńbek shyǵarmashylyqty ushtaıdy. «Eńbek etkenge baqyt basyn ıedi». Bizdiki, árıne, oı eńbegi. Ol eń azapty jol ekenin azdap sezingen sekildimin. – Seniń «Beıbitshilik álemi», «Shyraıly Shubaıqyzylym», «Týy bıik, tuǵyry myǵym – Táý­el­­sizdik» sekildi halyq­ara­lyq, res­pýb­lıkalyq, oblys­tyq birneshe baı­qaýlarda top jaryp shyq­qa­nyńdy jurt jaqsy biledi. Jal­py, jeńimpaz ataný, ataq-abyroı ásire­se, jas aqynǵa qansha­lyqty qajet? – Kóptiń yqylasy, memlekettiń baǵalap syı bergeni jaqsy ǵoı. Onyń nesi jaman? Aqyn­dy óltirýdiń basty joly – elemeý, eskermeý. Árkim eńbegine qaraı baǵasyn alsyn. Talantty ushtamasa, bul yqylas óltirmeıdi. – Búgingi qazaq poezııasyna kóńiliń tola ma? – Búgingi bizdiń basty jaýymyz ınternet emes, áleýmettik jeliler. Jelilerdiń ishinde de túkke qajeti joq, ýaqyt jutýǵa sheber­leri shash etekten. Árıne, keıbir jelilerdiń poezııamyzdy oqyrmanǵa jetkizýde mańyzy zor, alaıda biz ony shekten tys qoldaný arqyly «Kitap myrzany» qatty renjitýdemiz. – Aqyndy qoǵamnyń baro­metri dep jatamyz. Búgingi qazaq qoǵa­myn­da seni qatty alań­data­tyn jaıt ne? – Dál qazir ult taǵdyry alań­­datady. Menińshe, ulttyń dárýmeni – ar-ımany. Arandatýdy oılaǵandar dál osy tamyrdyń ústinen basyp, túrli aǵymdar arqyly jurttyń mıyn ashytýda. О́tkende bir jas jigit suraq qoıdy. «Ultqa qalaı qyzmet etsem bolady?» deıdi. Men úıiniń esik aldyna gúl nemese tal otyrǵyzýyn ótindim. Biz árqaısymyz óz basymyzdyń dırektorymyz. Qol myrzany, Erin hanymdy, Aıaq myrzany durys iske jumyldyra bilsek, qoǵam ózinen ózi túzeler edi. – Kimdi súıip oqısyń? – О́mirdi. – Aldaǵy josparlaryńmen bólisseń... – Jospar kóp. Adamdarǵa jaq­sylyq jasaýǵa qushtarmyn. Tolstoı sekildi uzyn ashana ashyp, muqtajdardy toıyndyrsam, ba­­qyttyń kekilin tabar edim. «О́mir – adamdarǵa jaqsylyq jasaýdan basqa eshteńe emes». Bes jyl ishinde óz mektebimdegi úzdik oqýshylarǵa shákirtaqy taǵaıyn­dasam, on jyl ishinde muqtajdarǵa kómek qolyn sozatyn qorlar ashsam deımin. Aldaǵy jylǵa jańa jınaqtyń sulbasy sanamda júr. Áńgimelesken Aınur ASANQYZY