Búgin Májilistiń zańnama jáne sot-quqyqtyq reforma komıtetinde Ata zańǵa engiziletin ózgerister men tolyqtyrýlar pysyqtalyp, qyzý talqylandy. Atap aıtsaq, Prezıdent taǵaıyndaıtyn mınıstrler tizimi naqtylandy, dep habarlady 24.kz.
Komıtet músheleri Elbasy Ishki ister mınıstrin de ózi taǵaıyndaıtyndyǵyn aıtty. Oǵan deıin elimizdiń Syrtqy ister, Qorǵanys jáne Ádilet mınıstrin taǵaıyndaý Memleket basshysynyń quziretinde qalǵan bolatyn.
Prezıdent ishki jáne syrtqy saıasatty iske asyryp, ulttyq qaýipsizdikke jaýap beredi.
«Búgingi tańda Parlament zańǵa qol qoıǵansha Elbasy Konstıtýsııalyq keńeske sol zańdy jiberýge quqyly. Konstıtýsııanyń normasyna sáıkes pe, álde basqasha ma, osynyń baǵasyn berińder dep jiberýge quqyly. Al endi Konstıtýsııanyń 44-babyna ózgeris engizý usynylyp otyr», - deıdi QR Parlamenti Májilisiniń depýtaty Nurlan Ábdirov.