Atyraýda ótip jatqan Dúnıejúzilik boks serııasynda (WSB) qazaqstandyq «Astana Arlans» pen qytaılyq «China Dragons» komandalary arasynda ekinshi bolyp rıngke 56 kıloda Ilııas Súleımenov pen Van Lýn shyqty.
Birinshi raýndta Ilııas Súleımenov jeńisti joldy jalǵastyrý úshin baryn saldy. Birneshe soqqysyn darytyp, Van Lýnǵa esh múmkindik bere qoımady. О́z kezeginde qytaılyq ara-tura umtylǵanmen, onysynan túk shyqpady.
Ekinshi raýndta da Ilııastyń mereıi ústem boldy. Alystan da, jaqynnan da qarsylasyn tómpeshteýmen boldy.
Kelesi raýndta Van Lýn jabyq túrde bokstasty. Otandasymyz eki qolyn salbyratyp, shabýyldaýyna erik berse de Aspanasty eliniń sportshysy senimdi túrde aıqasa almady. Súleımenov yńǵaıy kelgen ýaqytta Van Lýnnyń búıirlerinen de soqqylaryn daryta bildi.
Kelesi úsh mınýtta otandasymyz qarsylasynyń qorǵanysyn buzyp kirip, birneshe ret dál soqqysyn tıgize bildi. Qytaı sportshysynyń alǵashqy raýndtaǵy qarqyny báseńdep qaldy. Basyn tómen salbyratyp alyp, Ilııastyń qoltyǵyna kirip ketýmen boldy.
Sońǵy raýndta jerlesimiz basymdyǵyn bere qoımady. Degenmen, bir-eki soqqysyn ótkizip aldy.
Qorytyndysynda Ilııas Súleımenov aıqyn basymdyqpen jeńiske jetti.