Qurylyqtyq hokkeı lıgasynyń pleı-off kezeńinde Astananyń "Barysy" Chelıabiniń "Traktor" komandasyn qabyldap, 2:1 esebimen basym tústi.
Qos komanda osymen altynshy kezdesýin ótkizdi. Jankúıerler tartysty oıynnyń kýási boldy. Qos ujym match bastala sala alma kezek qaýipti shabýyldarymen kózge túsip jatty. Kezdesýdiń 10-mınýtynda aıdyn ıeleriniń bir oıynshysy kemdigin tıimdi paıdalanǵan "Traktor" Kırıll Kolsovtyń kómegimen esepte alǵa shyqty.
Úziliste bas bapker Edýard Zankovesten jańa nusqaýlar alǵan "Barys" oıynshylary ekinshi kezeń bastala sala alǵa umtyldy. Nátıjesinde,23-mınýtta Vladımır Markelov tarazy basyn teńestirdi. Al sońǵy 20 mınýtta jerlesterimizdiń mereıi ústem boldy. 43-mınýtta komandanyń bas juldyzdarynyń biri Dastın Boıd jeńisti goldyń avtory atandy. Qos ujym osydan keıin de tablodaǵy esepti ózgertetin birneshe múmkindikteri bolǵan, biraq sáttilik joldas bola qoımady.
Osylaısha, alty matchta "Barys" 4:2 esebimen kelesi raýndqa joldama aldy. Qurlyqtyq hokkeı lıgasy pleı-off kezeńiniń shırek fınalynda elordalyqtar Qytaıdyń "Kýn Lýn Red Star" komandasyn jeńgen Magnıtogorskiniń "Metallýrgimen" kúsh synasatyn bolady.