26 naýryzdan bastap Aqtaýdan Ystanbulǵa tikeleı reıs shyǵady, dep habarlady tumba.kz.
О́tken aıda Túrkııanyń «Atlasglobal» avıakompanııasy men QR Kólik komıteti Qazaqstan (Aqtaý) -Túrkııa halyqaralyq avıa jelisi boıynsha turaqty avıatasymaldaý týraly kelisim jasasty. Bul týraly jańa reıstiń tanystyrylymynda «Atlasglobal» dırektory Orhan Sanjar habarlady.
«Budan buryn, 7-8 jyldaı biz Aqtaýlyqtarmen jumys istedik. Bizde charterlik reıster boldy, sońǵy 2 jylda bul reıster jabylyp qalǵan. Mine, endi biz kelisimshart negizinde reısterdi qaıta ashqanymyzda burynǵy tutynýshylarymyz jyly lebizderin bildirip jatyr, dedi Orhan Sanjar.
Avıakompanııa dırektorynyń aıtýynsha, 26 naýryzdan bastap Túrkııadan Aqtaýǵa, 27 naýryzdan bastap Aqtaýdan Túrkııaǵa ushaqtar usha bastaıtynyn aıtty. Bılettiń quny eki jaqqa shamamen 70 myń teńgeni qurasa, bıznes-klass quny - 141 myń teńge.
Odan ári kompanııa reıster sanyn ulǵaıtýdy josparlaýda. Qazir «Atlasglobal» avıakompanııasy Túrkııanyń ár qalalaryna ushyrylymdy qamtamasyz etýde.