Somalıde sońǵy eki táýlikte 110 adam ashtyqtan qaıtys boldy. Olardyń barlyǵy Baı aýdanynyń turǵyndary, dep habarlady Associated Press agenttigi.
El bıligi qurǵaqshylyqqa baılanysty 28 aqpanda tótenshe jaǵdaı jarııalaǵan bolatyn. Qazir 6 mıllıonnan astam turǵyn shuǵyl gýmanıtarlyq kómekke muqtaj bolyp otyr. Mundaı jaǵdaıdyń ornaýyna «Ash-Shabab» lańkestik uıymyn aıyptap otyr. Sebebi, lańkesterdiń áreketinen gýmanıtarlyq uıymdar eldiń keıbir óńirlerine qatynaı almaı otyr.
Aıta keteıik, jaqynda Ońtústik Sýdannyń birneshe aýdanynda da ashtyq týraly jarııa etilgen. Munda búginde 100 myń turǵynǵa gýmanıralyq kómek qajet bolyp otyr. Al BUU bas hatshysy Antonı Gýterrıshtiń aıtýynsha, bul elderdi azyq-túlikpen qamtamasyz etý úshin 4,4 mıllıard dollar qajet.