Qobylandy batyr kóshesi boıynsha 11 úıdiń turǵyndaryn sýsyz qaldyrǵan kommýnaldyq apatqa qurylys kompanııasy kináli, - dep habarlady «Astana sý arnasy» MKK baspasóz qyzmeti.
«4 naýryzda saǵat 16.10-da «Kompanııa Soıýz XXI» JShS qurylys jumystaryn júrgizý barysynda dıametri 500 mm sý qubyryn zaqymdaǵan. Sonyń saldarynan 4 jekemenshik úıdi sý basty. Jóndeý jumystaryna «Astana Sý Arnasy» MKK 30-dan astam qyzmetkeri, sý qubyry jelisi boıynsha sý aıdaıtyn 21 tehnıka jumyldyryldy», - delingen habarlamada.
Sondaı-aq «Kompanııa Soıýz XXI» ortalyq sýmen jabdyqtaý júıesine sý qubyryn salý jumystaryn óz erkimen, ruqsatsyz júrgizgen.
Aıta keteıik, 4 naýryzda aýdan ákimi Ádilbek Sársembaev «Almaty» aýdanynda turǵyn úı kesheniniń 11 blogy apat bolýynyń saldarynan sýsyz qalǵanyn habarlaǵan. «Qazir sý aıdaýǵa 20 birlik assenızator mashınalary tartyldy. 900 páter, ishinara jeke sektordyń 4 kóshesine sý ajyratylǵan», - dedi ákim.