Astanada sý tasqyny men tótenshe jaǵdaılardyń aldyn alýǵa baǵyttalǵan «Kóktemgi Astana» jalpyqalalyq senbiliginiń aıasynda 50 myń tekshe metrge jýyq qar shyǵaryldy. Bul týraly elorda ákimdiginiń baspasóz qyzmeti habarlady.
Qaladan barlyǵy 47 468 m3 qar shyǵarylǵan. Naıqtyraq aıtqanda, «Almaty» aýdany boıynsha 22 175 m³, «Saryarqa» aýdany boıynsha 16 817 m³ jáne «Esil» aýdanynda 8 476 m³ qar jınalǵan.
Aıta keteıik, keshe elordada sý tasqyny men tótenshe jaǵdaılardyń aldyn alýǵa baǵyttalǵan «Kóktemgi Astana» jalpyqalalyq senbiligi ótti. Onyń aıasynda qalanyń barlyq aýdandarynda turǵyn úı alaptarynyń, kóppáterli turǵyn úılerdiń, jekemenshik sektory men áleýmettik mańyzdy nysandardyń aýmaǵynda qar jınaý jáne ony arnaıy polıgondarǵa shyǵarý jumystary júrgizildi. Aýqymdy sharaǵa qalanyń barlyq kommýnaldyq qyzmetteri, aýdandardyń óndiristik-tehnıkalyq bólimderiniń mamandary qatysty.