Qyzylorda oblysyndaǵy Aral aýdanynda eki ambýlatorııa ashyldy. Amanótkel jáne Qaratereń aýyly aýdan ortalyǵynan shalǵaı bolǵandyqtan, arly-berli qatynaý qıyn. Sondyqtan medısınalyq nysandardyń el ıgiligine berilýi araldyqtar úshin asa mańyzdy. Qurylysyna 100 mıllıon teńgeden astam qarjy jumsalǵan qos nysan jańa emdeý quraldary jáne dári-dármekpen tolyq qamtylǵan, dep habarlady 24.kz.
«Shanshý qadalyp, súıek syrqyrasa boldy, Qaratereńnen 200 shaqyrym jerdegi aýdan ortalyǵyna baryp tekserilýge týra keletin», - deıdi 70-ten asqan Minájat aqsaqal.
Amanótken eldi mekeninde 2 myńǵa jýyq turǵyn bar. О́tken ǵasyrdyń 80-jyldary salynǵan eski medısınalyq mekeme ornyna 10 tósektik kúndizgi emdeý bólimi bar jańa nysan ashylyp otyr.
"Osynda 800-900 dıspanserlik naýqas bar. Dıspanserlik esepte turǵan 50-den astam bala bar, solarǵa qyzmet kórsetemiz. Biz kúni keshege deıin qan, kishi dáret sııaqty eki-aq analız alatynbyz. Endi zerthanaǵa jańa apparat keldi. Bıohımııalyq analızderdiń bárin shyǵarady", - dedi Amanótkel aýylyndaǵy ambýlatorııa dárigeri Mamaı О́temisov.
Jalpy óńirde ótken jyly 10 ambýlatorııa ashylǵan bolatyn. Bıyl taǵy 4 ambýlatorııa salynady. Onyń bireýi Aral aýdanynyń Bekbaýyl aýylynda boı kóteredi.