QR Bilim jáne ǵylym mınıstrligi birqatar mamandyqtardyń jiktemeden alynyp tastalǵandyǵy týraly aqparatty taǵy da joqqa shyǵardy, dep habarlaıdy QazAqparat.
«Áleýmettik jelide QR Bilim jáne ǵylym mınıstrligi elimizdiń joǵary oqý oryndarynan «Qazaq tili», «Qazaq ádebıeti», «Qazaqstan tarıhı», «Lıngvıstıka», «Shyǵystaný» syndy pánderdi QR joǵary jáne joǵary oqý ornynan keıingi mamandyqtar jikteliminen alyp tastaǵandyǵy týraly aqparat tarady. Bul aqparattyń arandatýshylyq ekendigin mınıstr Erlan Saǵadıevtiń beıne jaýabyn jarııalaý arqyly jazdyq ta. Bul málimdemege jaýap retinde máselege qatysty mınıstrliktiń aıtqandary jalǵan ekendigi kórsetilgen jańa pikirler jarııalana bastady. Osyǵan oraı biz Ádilet mınıstrligine saýalmen júgingen edik», - delingen QR Bilim jáne ǵylym mınıstrliginiń áleýmettik jelisindegi paraqshasynda.
Sonymen qatar, taratylǵan aqparatta QR Ádilet mınıstrligi Normatıvtik-quqyqtyq aktilerdi tirkeý departamentiniń dırektory Hamıt Bekishevtiń de sózderi keltirilgen.
«Qazirgi ýaqytta 2009 jyldyń 20 naýryzynda QR Indýstrııa jáne saýda mınıstrligi Tehnıkalyq retteý jáne metrologııa komıtetiniń №131-od buıryǵymen bekitilgen Qazaqstan Respýblıkasyndaǵy joǵary jáne joǵary oqý ornynan keıingi mamandyqtardyń jiktelimi qoldanysta. Memlekettik organdar tarapynan qoldanystaǵy jiktelimge ózgertýler men tolyqtyrýlar engizý týraly usynys kelip túsken joq», - dedi ol.
Elimizdiń joǵary oqý oryndarynyń atalǵan mamandyq boıynsha jumys isteıtin kafedralardyń oqytýshylary da bul máselege qatysty pikir bildirýde.
S.Toraıǵyrov atyndaǵy Pavlodar memlekettik ýnıversıteti qazaq fılologııasy kafedrasynyń meńgerýshisi, fılologııa ǵylymdarynyń doktory, professor Nartaı Júsipov óz sózinde qazaq fılologııasy kafderasy ýnıversıtetiniń negizi qalanǵan sátten bastap jumys isteıtindigin basa aıtqan.
«Biz «Qazaq tili men ádebıeti», «Qazaq tili fılologııasy» mamandyqtary boıynsha bakalavrlar men magıstranttardy daıyndaımyz. Aldaǵy ýaqytta dál osy mamandyqtar boıynsha doktoranttardy daıyndaýdy josparlaýdamyz», - dedi ol.
Ál-Farabı atyndaǵy Qazaq Ulttyq ýnıversıteti Fılologııa, ádebıettaný jáne álem tilderi fakýltetiniń dekany, fılologııa ǵylymynyń doktory, professor О́mirhan Ábdimanuly da mamandyq jiktelimine qatysty aqparattyń jalǵan ekendigin atap ótken.
«Áleýmettik jeliler men birqatar basylymda mınıstrlik mamandyqtar jikteliminen «Qazaq tili», «Qazaq ádebıeti», «Qazaqstan tarıhı», «Lıngvıstıka» mamandyqtaryn alyp tastap, ony jalpy lıngvıstıkalyq jáne gýmanıtarlyq mamandyqtarmen almastyrdy degen aqparat tarady. Mundaı aqparattyń qaıdan shyqqanyn bilmeımin. Bizdiń fakýltet 2009 jylǵy mamandyqtar jiktelimimen jumys isteýde jáne eshqandaı ózgeris bolǵan joq», - dedi ol.
Aıta keteıik, buǵan deıin QR Bilim jáne ǵylym mınıstri Erlan Saǵadıev áleýmettik jelilerde tarap ketken JOO-lardaǵy birqatar mamandyqtardyń jabylǵany týraly aqparatqa baılanysty vıdeoúndeý jarııalaǵan bolatyn.
Onda Erlan Saǵadıev, sońǵy kezde ınternet jelisinde QR BǴM-niń mamandyqtar klassıfıkatoryndaǵy «Qazaq tili», «Qazaq ədebıeti», «Qazaqstan tarıhy», «Lıngvıstıka», «Shyǵystaný» syndy mamandyqtardy joǵary oqý oryndarynan alyp tastaǵany týraly, joǵary oqý oryndarynda osy pənderdiń júrgizilýi toqtatylǵandyǵy jaıly aqparat kezdesip otyrǵandyǵyn atap ótken.
«Qurmetti pedagogtar, ata-analar, oqýshylar, biz sizderdi tek senimdi derekkózderinen taratylatyn aqparatqa júginýge shaqyramyz. Mundaı məlimetterdi QR BǴM-niń jelidegi resmı akkaýntyna jazylyp alýǵa bolatyndyǵyn jetkizgimiz keledi», - deıdi Saǵadıev.