Oraıly jumys – otandyq ónim

«Qazaqstanda jasalǵan». Bul – memle­kettiń mereıi, mańyzdy mártebe, Otany­myz­dyń bedeli. «Eki qoıym – bir som» deıtin bu­ry­n­- ǵy qazaq joq. Eshteńege alańsyz el emes eke­nimizdi birtin-birtin kórsetip kelemiz. Aq­sha aınaldyrý – bıznes jasaý, qosymsha ju­mys istep, tabys tabýǵa úırenip qaldyq. Osy­ny murat tutqan jas kásipkerdiń biri qa­raǵandylyq Danııar Aýpısımov. Jospary aýqymdy, jobasy tyń kásipker «Qa­ra­ǵan­dyda jasalǵan» markasymen sporttyq kıim shy­ǵaryp jatyr. Qazirdiń ózinde tigin sehy ar­naıy kıimderdiń neshe túrin sándep tigý ústinde. Jýyr­da oblys ákimi Nurmuhambet Ábdibekov tigin se­hynda bolyp, óndiristi aralap shyǵyp, ká­sip­ker­ler­diń ótinishin tyńdady. Olarǵa qoldaý kór­setýge ýáde berdi. Aımaq basshysynyń shaǵyn óndiris ornyna ar­naıy at basyn buryp, kómek qolyn sozýǵa beıil eken­diginiń birneshe sebepteri de bar. «M.Style Kazakhstan» kásipornynda tek múmkindigi shekteýli jan­­dar jumys isteıdi. Búginde múmkindigi shek­teý­li toǵyz adam eńbek etip jatqan kásiporyn al­da­ǵy ýa­­qytta tapsyrystyń túsýine qaraı jumys oryn­da­­rynyń sanyn arttyrmaq. «Bizdiń mindetimiz – múgedekterge ómirden ózine laı­yqty oryn tabýǵa kómektesý. Bul adamdar mem­lekettik járdemaqydan basqa, oqyp, jumys is­tegendi, qoǵamǵa óz paıdasyn tıgizýdi qalaıdy. Bú­­­gin­de elimizde jumys isteýge qabiletti jastaǵy mú­­­gedekterdiń 13 paıyzy ǵana eńbek etip, aqsha ta­ba­dy», deıdi jas kásipker Danııar Aýpısımov. Budan bólek ol basqa kompanııalarmen birlesip, múm­kindigi shekteýli jandarǵa kómek kórsetý úshin qo­ǵamdyq qaıyrymdylyq qoryn qurypty. Jas ká­­sipker sonymen qatar, ónimdi satýdan túsken qar­­jynyń bir bóligin balalarǵa ota jasatýǵa ju­m­­saýdy kózdep otyrǵan kórinedi. Mıras ASAN, «Egemen Qazaqstan» QARAǴANDY