Senat komıtetterinde Konstıtýsııaǵa túzetýler qaraldy

Parlament Senatynyń turaqty komıtetteriniń otyrystarynda «Qazaqstan Respýblıkasynyń Konstıtýsııasyna ózgerister men tolyqtyrýlar engizý týraly» zań jobasy qaraldy, dep habarlady Qazaqstan Respýblıkasy Parlamenti Senatynyń baspasóz qyzmeti. Zań jobasy memlekettik basqarýdyń tıimdiligin arttyrý men saıası júıeni odan ári demokratııalandyrý maqsatynda ázirlendi. Turaqty komıtetter zań jobasyna, sondaı-aq, Par­la­ment palatalarynyń birlesken otyrysyndaǵy birin­shi oqy­lymda maquldanǵan usynystarǵa qoldaý bildirdi. Komıtetterdiń qorytyndylary Parlament pala­talarynyń birlesken komıssııasyna berildi. Bir­les­ken komıssııanyń quramyna Parlament Sena­tynan Serik Aqylbaı, Birǵanym Áıtimova, Asqar Beısen­baev, Qaırat Ishanov, Dýlat Qusdáýletov, Darıǵa Nazarbaeva, Lıýdmıla Poltorabatko saılandy. Komıssııa Parlament palatalarynyń 6 naýryzda bolatyn birlesken otyrysynda ekinshi oqylymda qaraý úshin qorytyndy salystyrmaly keste ázirleıtin bolady.