Parlamenttiń, Úkimettiń ókilettikterin keńeıtý Memleket basshysynyń «Qazaqstannyń Úshinshi jańǵyrýy: jahandyq básekege qabilettilik» atty Joldaýynda aıtylǵan bes ınstıtýttyq reformany júzege asyrý jónindegi «100 naqty qadam» Ult josparyn iske asyrý aıasynda ekonomıkany úshinshi jańǵyrtý maqsattaryna tıimdi qol jetkizýge qyzmet etedi.
Usynylyp otyrǵan konstıtýsııalyq reforma Úkimettiń jaýapkershiligi men derbestigin arttyrady, oǵan ekonomıkany tikeleı basqarýǵa basa nazar aýdarýǵa múmkindik beredi jáne onyń ishinde elimizdiń bıýdjetine qatysty mindetterin de sapaly túrde iske asyrýdy kózdeıdi.
Zań shyǵarýshy bılik tarmaǵy retinde Parlament róliniń kúsheıýi atqarýshy bılik qabyldaǵan sheshimderdi tıimdi baqylaýǵa jáne halyq alańdaýshylyq bildirgen mańyzdy máselelerge ýaqytynda áreket etý múmkindigin kúsheıtedi.
Parlament Senaty Qarjy jáne bıýdjet komıtetiniń otyrysynda elimizdiń Ata Zańyna usynylǵan ózgerister men tolyqtyrýlar múddelilik turǵysynda qyzý talqylandy. Talqylaý barysynda komıtet músheleri konstıtýsııalyq reformaǵa jáne Parlament depýtattarynyń palatalardyń birlesken otyrysynda aıtqan usynystaryna tolyqtaı qoldaý bildirdi.
Rashıt AHMETOV,
Senattyń Qarjy jáne bıýdjet komıtetiniń tóraǵasy