Senattyń Ekonomıkalyq saıasat, ınnovasııalyq damý jáne kásipkerlik komıteti Konstıtýsııaǵa ózgerister men tolyqtyrýlar engizý týraly usynystardy egjeı-tegjeıli qarady.
О́tken juma kúngi bolǵan Parlament palatalarynyń birlesken otyrysynda depýtat Asqar Beısenbaev bizdiń komıtet atynan usynystardy jarııa etti. Bizdiń oıymyzsha, Konstıtýsııada memleketimizdi qurýdaǵy Prezıdenttiń eren eńbegin erekshe atap ótý qajet. Biz Adam quqyqtary jónindegi ýákildi Senattyń bes jylǵa saılaýy týraly usynystyń mańyzy zor dep sanaımyz. Sondaı-aq, Prezıdent laýazymyna úmitkerlerge qatysty joǵary bilim týraly talaptyń engizilýin de qoldaımyz.
Senat komıtetteri qoǵam aldyndaǵy joǵary saıası jáne adamgershilik turǵysyndaǵy jaýapkershilikti sezine otyryp, konstıtýsııalyq reformany talqylaýǵa belsendi atsalysty. Bizdiń oıymyzsha, birlesken otyrysta aıtylǵan usynystardyń bári salmaqty da salıqaly, árqaısysynyń mańyzy zor. Ony búkil halyq qoldaıtyny daýsyz.
Talǵatbek ABAIDILDIN,
Senat depýtaty