Elimniń máretebesi bıikteı bersin dep tileımin

Elbasy Nursultan Nazarbaev halyqqa arnaǵan kezekti Joldaýynda aıtqandaı, elimiz óziniń 25 jyldyq damý kezeńinen abyroımen ótti. Shırek ǵasyrda elimizdiń jetken jetistigin álem jurty joǵary baǵalady. Bul Elbasy júrgizgen sara saıasattyń jemisi dep bilemin. Bıylǵy jyl da elimiz úshin tabysty jyl bolmaq. Almatyda ótken Ýnıversıada-2017 sport oıyndary sonyń bastaýy. Al jazda Astanada EKSPO-2017 halyqaralyq kórmesi ótpek. Astanany da ul-qyzdarymnyń arqasynda aralap kórdim. Tań­ǵaldym. Balam oqyǵanda bar­ǵandaǵy Selınogradtan múlde bólek, ǵajap qalaǵa aınalypty elordamyz. Buǵan deıin de Qazaqstan talaı halyqaralyq uıymdarǵa tór­aǵa­lyǵyn abyroımen ótkizdi. Endi, mine, bıyldan bastap Qazaq­­­stan Birikken Ulttar Uıy­my Qaýip­sizdik Keńesiniń múshesi bolyp otyr. Bul Keńes ju­my­syna Elbasy tyń serpin be­rip, óz mindetin úlken jaýap­ker­shi­likpen ótkeredi degen senimdemin. Elbasynyń jyl saıynǵy halyqqa arnaǵan Joldaýyn teledıdardan tyńdaýshy edim. Bul joly gazet betinen oqyp tanystym. Joldaýda Elbasy aldaǵy 25 jylda bizdi budan da bıik belester kútip tur deıdi. «Aldymyzda qandaı qıyn­dyq­tar kezdesse de, olardy eńsere alatynymyzǵa senimdimin. Bizdiń basty kúshimiz – birlikte. Qazaqstandy keıingi urpaq úshin budan da ósip-órkendegen elge aınaldyramyz!» degen Elbasy sózi kóńilime demeý bo­lyp tur. Biz asarymyzdy asa­dyq, jasarymyzdy jasadyq, en­di Elbasy aıtqandaı, biz kór­me­gen jaqsylyqty nemere, shóbere­lerimiz kórsin. Elimiz búgingidende ósip-órkendeı tússin. Asa damyǵan otyz eldiń qa­ta­rynan kórinip, mártebesi bıik­teı bersin dep tileımin. Altyn ARTAEVA, «Altyn alqa» ıegeri Jambyl oblysy