Balabaqshadaǵy onkúndik

Erke Ertistiń oń jaǵalaýynda ornalasqan «Arman» balabaqsha-bóbekjaıy – 400-ge jýyq tárbıelenýshisi bar aralas tildi mektepke deıingi mekeme. Munda búldirshinderdiń kreatıvti jeke tulǵasyn qalyptastyrý maqsatyndaǵy pedagogıkalyq úrdisti júzege asyrýǵa bar múmkindik jasalǵan. Oqý jyly kóleminde túrli maqsatqa baǵyttalǵan is-sharalar uıymdastyryldy. Sonyń biri – el Táýelsizdiginiń 25 jyldyǵyna oraı uıymdastyrylǵan onkúndik. Onkúndiktiń negizgi maqsaty – jas búldirshinderdi týǵan elin, jerin, Otanyn súıýge, qurmetteýge baýlý, eljandylyqqa tárbıeleý. Bul shara «Biz – Táýelsiz eldiń urpaǵymyz» atty saltanatty erteńgilikpen bastaldy. Atalǵan onkúndikten ata-analar da shet qalmaı, «Táýelsizdiktiń 25 jyldyǵyna – 25 jádiger» atty qolóner kórmesinde túrli buıymdar jasap, kópshilik nazaryna usyndy. «Gúldene ber, meniń Qazaqstanym!» sýret kórmesi de ereksheligimen kóz tarta bildi. Al «Táýelsizdik – tu­ǵyrym» taqyrybynda ótken erteńgilikte ózge ult ókilde­riniń balalary Qabanbaı, Naýryzbaı, Bógenbaı syndy qazaq batyrlarynyń beınesinde óleń oqyp, bı bılep, babalar rýhyn, batyrlar rýhyn dáriptedi. Kóneniń kózi – babalarymyzdyń urpaqtan urpaqqa jetken asyl sózderin mánerlep aıtý maqsa­tynda uıymdastyrylǵan «Ata­dan qalǵan asyl sóz» saıysynda áıgili bılerdiń urpaqtary ózara maqal-mátel, naqyl sózder aıtyp jarysty. «Shynyqqan shymyr balamyz, elge qorǵan bolamyz!» sporttyq saıysy da tartysty ótip, onkúndiktiń mánin asha bildi. Al «Ulttyq naqysh buryshy» kórmesi ata-analardyń kómegimen jasalǵan qolóner buıymdarymen tamsandyrdy. Ártúrli jastaǵy top tár­bıe­­­lenýshilerimen «Álem­ge ta­­nylǵan Qazaqstan» taqyrybynda dásúrden tys oqý qyzmetteri ótkizilip, pedagogtar balalardyń tanymdyq, qyzyǵýshylyq, shyǵarmashylyq belsendilikterin arttyrýǵa, sóıleý qabiletin damytýǵa erekshe kóńil bóldi. Eresek top balalarymen uıymdastyrylǵan «Qaharman Qaırat» sahnalyq qoıylymy jaqsy áser qal­dyrdy. Bala Qaırattyń beınesin kórsetýden bastalǵan qoıylymda búldirshinder 1986 jylǵy Jel­toqsan oqıǵasy týraly ózde­riniń jas erekshelikterine saı ­maǵlumat aldy. Balabaqsha aıasynda ótkizilgen osyndaı ıgi, sha­ralardyń bolashaq jeke tul­ǵalardy tárbıeleýdegi ma­ńyzy óte zor. Sebebi, bilim­niń de, tárbıeniń de qaınar kó­zi – balabaqshada. Osy oraıda atalmysh aýqymdy shara­lar­dyń uıytqysy bolyp, us­taz­dar ujymyn iskerlikpen bas­q­aryp otyrǵan balabaqsha-bóbekjaıy­nyń dırektory Aıgúl Qy­ryq­baeva, ádiskerler Zúlfııa Hamı­dýllına, Aıda Erǵalıeva sııaq­ty pedagogtar qaýymynyń qa­jyr­ly eńbegin atap ótken lázim. Gúlbaný Tólenova О́skemen qalasyndaǵy №9 «Arman» balabaqsha-bóbekjaıynyń qazaq tili pániniń muǵalimi