Bilim jáne ǵylym mınıstrligi, Abaı atyndaǵy Qazaq ulttyq pedagogıkalyq ýnıversıteti, «О́rleý» biliktilikti arttyrý ortalyǵy, Geografııa ınstıtýty jáne ál-Farabı atyndaǵy Qazaq ulttyq ýnıversıteti birlese otyryp geografııa ǵylymdarynyń damýyna ólsheýsiz eńbek sińirip kele jatqan aıtýly akademık, Memlekettik syılyqtyń ıegeri Álııa Beısenovanyń 85 jasqa tolǵan mereıtoıyna arnap «Jaratylystaný ǵylymdary bilimin jańartylǵan mazmun jaǵdaıynda modernızasııalaý» taqyrybynda halyqaralyq ǵylymı-praktıkalyq konferensııa ótkizdi.
Konferensııaǵa Qazaqstannyń fızıkalyq geografııasy men ekologııasyn, tabıǵatty zertteýmen shuǵyldanatyn joǵary oqý oryndarynyń professor-oqytýshylary, Reseı, Ázerbaıjan, О́zbekstan jáne taǵy basqa alys-jaqyn shetelderden arnaıy shaqyrtylǵan ǵalymdar qatysty. Jıyn barysynda qazirgi jaratylystaný jáne geografııa ǵylymdarynyń keleli máseleleri talqylanyp, mazmundy baıandamalar jasaldy. Ǵylymmen birge ustaz degen ulaǵatty atty bıik ustap kele jatqan Álııa Sársenqyzy shákirtteriniń boıyna bilim nárimen birge jaqsy qasıetterdi de sińirip, kásibi men kisilikti qatar ustanýdy ómirlik qaǵıdasyna aınaldyrýǵa úıretken biregeı ǵalym. Onyń jetekshiligimen 3 doktorlyq, 14 kandıdattyq eńbek qorǵalǵan.
Á.Beısenovanyń ǵylymı-pedagogtik qyzmetiniń úlken bir salasy Qazaqstandaǵy joǵary oqý oryndary men orta mektep úshin oqýlyqtar men oqý quraldaryn, baǵdarlamalar jasaý jáne ony bastyrý isimen tyǵyz baılanysty ekeni anyq. Mektep oqýshylarynyń birneshe býyny osy oqýlyqtarmen ósti, ǵalymnyń izdenisimen dúnıege kelgen «Qazaqstannyń geografııalyq atlasymen» tanymyn keńeıtti. Qazaqstan ekologııasyn zertteý salasyndaǵy eńbekteri úshin Amerıkanyń bıografııalyq ınstıtýty Álııa Sársenqyzyn «2006 jyl áıeli» dep tanyp, ony arnaýly medalmen marapattaǵan. Ol 600-ge jýyq ǵylymı eńbektiń avtory, onyń ishinde monografııalary men oqýlyqtarynyń ózi 20-dan asady.
Jıynǵa kelgen ǵalymdar, meımandar akademıktiń bir boıynan kórinis tabatyn san túrli asyl qasıeti týraly tebirene áńgimeledi. Elimizdiń jaratylystaný ǵylymyn damytýǵa súbeli úles qosyp kele jatqan Álııa Beısenovanyń qudaı bergen talanty, iskerligi, bıik ıntellektýaldyq qabileti adamı adaldyǵymen qosylyp, ony óz urpaǵynyń aldyńǵy qataryna shyǵarǵanyn konferensııa qatysýshylary bir aýyzdan qýattap, ǵıbratty ǵumyryna súıispenshilik bildirdi.
Aıgúl AHANBAIQYZY,
«Egemen Qazaqstan»
ALMATY