Qurlyqtyq hokkeı lıgasynyń pleı-off kezeńinde baq synap júrgen Astananyń «Barys» hokkeı klýby kezekti tabysymen jankúıerlerin qýanyshqa bóledi. Chelıabiniń
«Traktor» komandasymen 1/8 fınaldyń altynshy oıynynda kúsh synasqan jerlesterimiz 2:1 esebimen jeńiske jetip, jalpy eseptiń qorytyndysy boıynsha týrnırdiń
shırek fınalyna joldama aldy.
«Barysty» jarystyń kelesi kezeńine alyp shyqqan altynshy matchta esepti qonaqtar ashty. Oıynnyń 10-shy mınýtynda Kırıll Kolsov dál soqqymen «Traktordy» alǵa shyǵarǵan bolatyn. Ekinshi kezeńniń basynda «Barystyń» hokkeıshisi Vladımır Markelov qarymta gol soǵyp, tarazy basyn teńestirdi. Al sońǵy kezeńde qonaqtardyń az qurammen oınaǵan sátin utymdy paıdalana bilgen astanalyqtar jeńis shaıbasyna qol jetkizdi. Goldyń avtory – Dastın Boıd (43-mınýt).
Sóıtip, alty oıyn qorytyndysy boıynsha jalpy esepte 4:2 esebimen jeńiske jetken «Barys» týrnırdiń shırek fınalyna joldama aldy. Endi olar 1/8 kezeńinde Qytaıdyń «KýnLýn Red Star» komandasyn jarys jolynan shyǵarǵan Magnıtogorskiniń «Metallýrg» klýbymen pleı-offtyń 1/4 fınalynda kúsh synasatyn bolady.
Qaırat ÁBILDINOV,
«Egemen Qazaqstan»