Qaraǵandylyqtar qarymy

Joǵary hokkeı lıgasynyń pleı-off kezeńinde Qaraǵandynyń «Saryarqasy» Chehov qalasynda jergilikti «Zvezda» komandasymen úshinshi márte kezdesip, 3:2 esebimen basym tústi. «Zvezda» óz jankúıerleriniń aldynda óner kórsetkendikten barynsha ótkir shabýyldar uıym­dastyrýǵa tyrysty. Kez­desýdegi alǵashqy gol 22-mınýtta soǵyl­dy. Aleksandr Sha­rovtyń soqqy­synan keıin aıdyn ıeleri alǵa shyqty. Qarqyndaryn údetken olar 37-mınýtta jerles­teri­mizdi taǵy bir márte qapy qal­dyrdy. Bul tusta Andreı Kýz­menko mergendigimen kózge tústi. N­amysqa basqan qaraǵan­dylyq­tar ekinshi kezeńniń sońyn­da Mı­haıl Anısınniń kómegi­men esep aıyr­mashylyǵyn qysqart­ty. Úshinshi kezeńde bas bapker Vadım Epanchınsevten jańa nus­qaýlar alǵan «Saryarqa» oıyn­­shylary tarazy basyn teńes­tirý úshin baryn saldy. Nátı­jesinde, matchtyń sońǵy mınýtynda Artýr Sarvarov esepti 2:2-ge jetkizdi. Al overtaım ke­zinde Oleg Lomakonyń mereıi ústem bolyp, jerlesterimizdiń kezekti je­ńisine septigin tıgizdi. Qos ko­mandanyń arasyndaǵy jalpy esepte «Saryarqa» 3:1 esebimen alda keledi. Kelesi match Qara­ǵan­dyda ótedi. Dál osy kezeńde О́skemenniń «Tor­pedosy» da jeńiske jet­ti. Ijevskide «Ijstal» koman­dasymen synǵa túsken shyǵys­qazaqstandyqtar 2:1 esebimen basym tústi. Jankúıerler qyzyqty oıyn­nyń kýási bolǵanymen, esep tek sońǵy kezeńde ǵana ashyl­dy. Aıdyn ıeleri tarapynan bir oıynshynyń kem­digin utymdy paıdalanǵan óskemendikter aınalasy on mı­nýt­tyń ishinde eki birdeı shaıba soǵyp úlgerdi. Andreı Belozerov 42-mınýtta alǵashqy golyn salsa, 52-mınýtta dýbl ıesi atandy. Al «Ijstal» komandasynan Denıs Polıýdov 55-mınýtta kózge tústi. «Torpedo» serııaly match­ta úsh ret jeńiske jetip, bir márte ese jiberdi. Qos komanda arasyndaǵy kelesi kezdesý О́skemende ótedi. Aıan ÁBDÝÁLI, «Egemen Qazaqstan»