17 naýryzda Máskeýde halyqaralyq ekonomıkalyq forým ótedi, dep habarlaıdy abctv.kz TMD atqarýshy komıtetiniń saıtyna silteme jasap.
Oǵan TMD múshe memleketterdiń vıse-premerleri, mınıstrler, TMD ekonomıkalyq keńesiniń músheleri, EAEO, ShYQ basshylary, ekonomıkalyq damý, qarjy, aýyl sharýashylyǵy jáne azyq-túlik, ónerkásip jáne saýda, kólik, bilim berý mınıstrlikteriniń jetekshi qyzmetkerleri, bılik organdary, saýda-ónerkásip palatalary, salalyq birlestikter men bank qaýymdastyqtary ókilderi qatysady. Sondaı-aq forýmǵa TMD-ǵa qatysýshy elderdiń kásipkerleri keledi. Forým Táýelsiz memleketteri dostastyǵynyń Ekonomıkalyq keńesiniń kezekti otyrysymen qatar ótedi.
Forým aıasynda jobalar kórmesi, sıfrlyq ekonomıka, erkin kásipkerlik, erkin saýda aımaǵy týraly shartty iske asyrý sheńberinde salalyq yntymaqtastyqtyń róli, ekologııalyq jáne azyq-túlik qaýipsizdigin qamtamasyz etý, zamanaýı IT-sheshimderdi paıdalaný, TMD keńistiginde qarjy-banktik ózara is-qımyl perspektıvalaryna arnalǵan taqyryptyq seksııalar uıymdastyrylady.