Tergeýshiler Ońtústik Koreıanyń prezıdenti óziniń jaqyn dosy jáne keńesshisi Chhve Sýn Sılmen birge Samsung kompanııasynyń vıse-prezıdenti Lı Chje Ionnen para alǵany rastalǵanyn málimdedi, dep jazady VVS. Tergeý komıssııasynyń aıtýynsha, olar kompanııa vıse-prezıdentinen onyń iskerı máselelerin sheshýge kómektesý úshin 120 mln dollar alǵan. Sonymen qatar tergeý nátıjesinde Chhve otbasynyń jeke menshiginde 236 mln dollar bar ekeni anyqtalǵan. Biraq, ol qarajattyń barlyǵy zańsyz jomlen alynǵany týraly derek joq.
"Josparlanǵan tergeý jumystarynyń tek jartysy ǵana júzege asty. Sebebi ýaqyt shekteýli boldy. Tergeýge alynǵandar tarapynan da umtylys bolmady", deıdi tergeý agenttiginiń tóraǵasy. Onyń aıtýynsha, Pak óz qyzmetin asyra paıdalanǵan. Sebebi ol úkimetti Samsung-ke baılanysy bar eki kompanııany biriktirýdi jaqtap daýys berýge úgittegen. Resmı boljam boıynsha, bul kóp shyǵynǵa soqtyratyny aldyn ala aıtylǵan.
Tergeý komıssııasynyń aıtýynsha, Pak Kyn He Ońtústik Koreıa bıligin synǵa aldy degen 9473 mádenıet ókilderinen turatyn "qara tizimdi" jasaýǵa bastamashy bolǵan. Sonymen qatar oǵan keńesshisi ekeýi basqa adamdardyń atyna tirkelgen uıaly telefondardy paıdalandy degen de aıyp taǵylyp otyr.
Esterińizge sala ketsek, 2016 jyldyń jeltoqsan aıynda Ońtústik Koreıa paralmenti Pak Kyn Hege ımpıchment jarııalaǵan bolatyn.