8 naýryz merekesi qarsańynda Qyzylorda oblysynyń ákimi Qyrymbek Kósherbaev Syr elindegi áıelder qaýymynyń belgili ókilderimen kezdesip, olardy Halyqaralyq áıelder kúnimen quttyqtady. Ákim aımaqtaǵy mańyzdy salalardyń basy-qasynda qyz-kelinshekterdiń júrgenin aıryqsha atap ótti.
- Sońǵy jyldardaǵy statıstıkaǵa júginsek, búgingi tańda pedagogtardyń 73 paıyzy, dárigerler men medısına qyzmetkerleriniń 87 paıyzy áıelder. Barlyq bıýdjettik sala qyzmetkerleriniń 60 paıyzy qyz-kelinshekterdiń úlesinde. Oblys ekonomıkasynyń mańyzdy salasy shaǵyn jáne orta bızneste – 80 paıyz áıelder. Búgingi kezdesýge kópbalaly analar, aýyl eńbekkerleri, muǵalimder, dárigerler, bir sózben aıtqanda elimizdiń táýelsizdigin nyǵaıtýǵa bar kúsh-jigerin salyp eńbek etip júrgen qurmetti qyz-kelinshekter, aıaýly arýlar jınalyp otyr. Oblystaǵy barlyq jetistikterge sizderdiń árqaısylaryńyzdyń qosqan úlesterińiz zor,- dedi oblys ákimi.
Merekege oraı Asqar Toqmaǵambetov atyndaǵy Mádenıet úıinde saltanatty jıyn ótti. Merekelik shara qazaqstandyq estrada juldyzdarynyń qatysýymen ótken konserttik baǵdarlamaǵa ulasty.