Kentaýlyq Nurkamal ájeniń sońǵy kezde aıaǵy bastyrmaı, baltyry syzdap aýyryp júrse de júrisi shıraq. Sóz saptaýy da keremet. Oılanyp baryp áńgime tıegin aǵytady. Aınalasyndaǵy shúpirlegen nemere-shóberelerin aınalyp, tolǵanyp, erkeletip, solardyń qoldarynan dám tatyp otyr.
– Men Shyǵys Qazaqstan oblysy, Zaısan qalasynda týyp-óstim. Jubaıymyz ekeýmiz sol jaqta bas qostyq. Bir qyzym sol Zaısanda turady. О́zim keıingi kezde naýqastanyp qalǵandyqtan dárigerler «klımat aýystyrý qajet» dep keńes berdi. Ońtústikke osylaısha qonys aýdardyq. Bul jaq kıeli meken ǵoı, osynda kelip aýrýymnan qulan-taza aıyqtym, – deıdi Nurkamal áje.
Jaqynda Nurkamal Sársekeeva ájeı ǵasyrdy artqa tastady. Ǵasyr qurdasynyń aıtýyna qaraǵanda, birde Shyǵys Qazaqstanǵa Jambyl Jabaev qonaqqa kelip, apamyzdyń oramal taǵyp, sálemin salyp, qazaqshylyqty umytpaı kórsetken qyzmetine rıza bolyp, batasyn bergen eken. О́zi de óleń-jyrǵa qumar bolǵan keıýana joǵary bilim almaǵanymen kitapty kóp oqyǵan jan. Sodan bolar, parasat-paıymy joǵary.
– О́mirim talaı qıyndyqtarmen ótti. El basyna tóngen asharshylyqtyń, soǵys jyldarynyń kýágeri boldym. Joldasym Uly Otan soǵysyna qatysyp, Polsha jerinde bolǵan urysta qaza tapty. Raıkom hatshysy bolatyn. Maıdanǵa ózi suranyp, Tashkentte 15 kún daıyndyqtan ótip, komandır bolyp attanǵan edi. Sol ketkennen qaıtyp oralmady, – dep ótken kúnderdi saǵynyshpen eske alady áje.
«Nemere-shóbereniń qansha ekenin bilmeımin, sanap kórgenim joq, shatasyp qalamyn», deıdi. Ájeniń úlken qyzynyń ózi búginde 80 jasty alqymdap otyrǵan aq jaýlyqty ana.
Qaırat ZAINIShEV
Ońtústik Qazaqstan oblysy,
Kentaý qalasy