Astana qalasyndaǵy «Han Shatyr» SOSO-da «Qazaqstan zaǵıptar qoǵamy» men «Ahyska» túrik etnomádenı ortalyǵynyń uıymdastyrýymen múmkindigi shekteýli jandarǵa arnalǵan qaıyrymdylyq sharasy ótti.
Halyqaralyq áıelder kúnine arnalǵan sharaǵa Qazaqstan halqy Assambleıasynyń músheleri, qoǵamdyq uıymdardyń ókilderi, estrada juldyzdary, sondaı-aq qala turǵyndary qatysty.
– Kóktemniń alǵashqy merekesinde názik jandylar erekshe bir syılyqty kútetini belgili. Múmkindigi shekteýli jandar da qoǵamnyń bir bólshegi. О́zimmen birge zaǵıp nemeremdi ertip kelip otyrmyn. Ekeýimiz barsha qyzdarǵa arnap án shyrqa-
dyq, – dedi Qazaqstan halqy Assambleıasynyń múshesi Zýhra Saıapova.
Qaıyrymdylyq sharasy alty jyldan beri dástúrli túrde ótkizilip keledi. Basty maqsaty – múmkindigi shekteýli jandarǵa járdem kórsetý. Bıyl da ótken jylǵydaı Qazaqstan halqy Assambleıasynyń «Úlken el – úlken otbasy» jobasyn júzege asyrýǵa baǵyttalyp otyr.
Jıyn sondaı-aq, juldyzdar men ártister uıymdastyrǵan merekelik konsertke jalǵasty.
Aıan ÁBDÝÁLI,
«Egemen Qazaqstan»