Londonda ICE bırjasynyń saýdasynda Brent munaıynyń barreli 2016 jyldyń jeltoqsan aıynyń basynan beri alǵash ret 53 dollarǵa deıin tómendedi.
Saýda barysynda Brent munaıyna mamyr aıynyń fıýcherster quny 5 paıyzǵa deıin tómendep, barreline $52,77 qurady. Búgin tańerteń Brent munaıy 53,19 dollarǵa baǵalandy
Baǵanyń bulaısha arzandaýyna AQSh-taǵy munaı qorynyń kúrt kóbeıýi túrtki bolǵan. 24 aqpannan 3 naýryzǵa deıingi aralyqta AQSh-taǵy munaı qory 8,22 mıllıon barrelge artyp, 528,4 mıllıon barrelge jetken. Al sarapshylar munaı qoryn nebary 1,97 mıllıon barrelge kóbeıedi dep kútken edi.