Jańǵyrtý aıasyndaǵy yntymaqtastyq

Ottava qalasynda Qazaqstan Prezıdenti N.Á.Nazarbaevtyń «Qazaqstannyń Úshinshi jańǵyrýy: jahandyq básekege qabilettilik» atty el halqyna Joldaýyn talqylaýǵa arnalǵan dóńgelek ústel uıymdastyryldy, dep habarlady Qazaqstannyń Kanadadaǵy elshiligi. Oǵan Kanadanyń úsh negizgi fe­deraldy partııasy bolyp tabylatyn Lıberaldy, Kon­ser­vatıvti jáne Jańa demo­kratııalyq partııalardan Qaýym­dar palatasynyń depýtattary, atap aıtqanda, Shetel isteri jáne halyqaralyq damý komıtetiniń tóraǵasy – «Qazaqstan-Ka­nada» Parlamentaralyq yntymaqtastyq tobynyń teń tóraǵasy Robert Nolt, komıtet tóraǵasynyń orynbasary Dın Alıson, komıtet músheleri Djon Makkeı, Pıter Fragıskatos, t.b. qatysty. Sonymen qatar, otyrysqa Kanada Syrtqy ister mınıstrliginiń ókilderi, onyń ishinde Shyǵys Eýropa jáne Eýrazııa departamentiniń dırektory Kevın Reks, sondaı-aq jetekshi taldaý ortalyqtarynyń ókilderi shaqyryldy. Qazaqstannyń Kanadadaǵy elshiligi daıyndaǵan arnaıy tusaýkeserde elimizdiń birinshi jáne ekinshi jańǵyrtylýy kezeńindegi makroekonomıkalyq kórsetkishterdiń ózgerý úrdisi boıynsha ınfografıkalar, Qazaqstannyń memlekettiligi qalyptasýy men egemendigi nyǵaıýynyń negizgi qadamdary, Prezıdent N.Á.Nazarbaevtyń halyqaralyq bastamalary týraly aqparat kóldeneń tartyldy. Qazaqstannyń Kanadadaǵy elshisi Konstantın Jıgalov óziniń sózinde Qazaqstannyń áleýmettik-ekonomıkalyq qa­lyptasýy barysynda qoǵamdy demokratııa­landyrý boıynsha júıeli shara qoldanylyp kelgenin, belsendi syrtqy saıa­sattyń nátıjesinde elimizdiń ha­lyq­aralyq sahnadaǵy bedeli kúnnen-kúnge óse túsip otyr­ǵanyn atap kórsetti. Úshinshi jańǵyrtý sheń­berinde Memleket basshysy belgilegen maqsattar men min­detterdi, sondaı-aq Qazaq­stan men Kanadanyń ekonomıka qury­lymynyń uqsastyǵyn eskere otyryp, energetıka, ınves­tısııa, memlekettik qyzmetti reformalaý, shaǵyn jáne or­ta bıznesti qoldaý salalaryn­daǵy Qazaqstan-Kanada ynty­maq­tastyǵyn odan ári nyǵaıtýdyń zor áleýetine nazar aýdaryldy. Kanada parlamentshileri Qazaqstannyń jetistikteri men bolashaq damý baǵytyna joǵary baǵa berip, eki el arasyndaǵy ózara tıimdi yntymaqtastyqty ilgeriletýge nıetti ekendikterin qýattady. Osyǵan baılanysty, ústimizdegi jylǵy qańtar aıynda Kanada parlamenttik delegasııasynyń Astana qalasyna sapary sheń­berinde Premer-Mınıstr B.Sa­ǵyn­taev, Senat Tóraǵasy Q.To­qaev, Májilis Tóraǵasy N.Nyǵ­matýlın jáne basqa da laýazymdy tulǵalarmen sátti kezdesýler ótkeni aıtyldy. Dóńgelek ústeldiń qory­tyn­dysy boıynsha bıyl eki el arasyndaǵy dıplomatııalyq qarym-qatynastar qalyp­tasýy­nyń 25 jyldyǵyn mere­keleý sheńberinde birqatar bir­lesken is-shara ótkizý týraly ýaǵdalastyqqa qol jetkizildi.