Eýrazııalyq ekonomıkalyq odaqta (EAEO) ázirshe Odaqta shyǵarylmaıtyn aýyl sharýashylyǵy tehnıkasyna arnalǵan jıyntyqtaýshy buıymdar óndirisin uıymdastyrý úshin jaǵdaılar jasalady, dep habarlady Eýrazııalyq ekonomıkalyq komıssııanyń baspasóz qyzmeti.
«Bul sheshim aýyl sharýashylyǵy qajettilikteri úshin tehnıka ımportyn ulǵaıtý jaǵdaılarynda ásirese ózekti. 2015 jylmen salystyrǵanda aýyl sharýashylyǵy ımporty 18% ósken. Bul jerde elektrondyq komponentter, qozǵaltqyshtar men transmıssııalar týraly sóz qozǵalady. Kólemniń tórtten bir bóligine jýyǵyn jıyntyqtaýshy buıymdar quraıdy», - dep túsindirildi Eýrazııalyq ekonomıkalyq komıssııada.
О́sim aýyl sharýashylyǵy tehnıkasynyń negizgi túrleri óndirisiniń turaqtaýymen baılanysty. Reseılik óndiris ónimi alǵash ret aýyl sharýashylyǵy mashınalary naryǵynda basym bola bastap, 2016 jyly EAEO naryǵynyń jalpy kóleminen 54% qurady. Qymbat baǵaly buıymdar ımportyn qysqartý aýyl sharýashylyǵy tehnıkasy óndirisiniń qunyn tómendetedi, bul daıyn ónim baǵasynyń tómendeýine ákeledi. Bolashaqta osy shara jalpy aýyl sharýashylyǵyn damytýǵa oń áser etip, Odaq memleketteriniń tehnıkalyq deńgeıin arttyrýǵa jáne jańa tehnologııalardy ıgerýge yntalandyrýǵa yqpal etedi. Salany damytý úshin ınvestısııalar tartý, EAEO aýmaǵynda uqsas ónimder óndirisin uıymdastyrý jónindegi birlesken baǵdarlamalar men jobalardy iske asyrý, sheteldik óndirýshilerdiń qatysýymen mundaı óndiristerdi uıymdastyrýǵa járdemdesý sııaqty mehanızmder paıdalanylatyn bolady. Osylaısha, EAEO kásiporyndarynda ınnovasııalyq kásiporyndar qurý jónindegi birlesken baǵdarlamalar men jobalardy qarjylaı qoldaýǵa baǵyttalǵan sharalardy qoldaný, jıyntyqtaýshy buıymdardy óndirý úshin qajetti jabdyqty jeńildikti sharttarda lızıngke alý, múshe memleketterdiń aýmaǵynda shyǵarylatyn jıyntyqtaýshy uqsas ónimderdiń sáıkestigin rastaý múmkindigi bolady.