2020 jylǵa qaraı Qazaqstanda kópdeńgeıli zeınetaqy júıesi qurylady. Bul týraly búgin Úkimet úıinde ótken baspasóz máslıhatynda Eńbek jáne halyqty áleýmettik qorǵaý mınıstri Tamara Dúısenova aıtty.
«1998 jyldan beri júrgizilip kele jatqan ózgeristerimiz tujyrymdamalyq, qurylymdyq ózgerister sanalady. Buryn zenıtaqyny tek memleket tólep kelgen bolsa, endi qurylymdyq ózgeriske sáıkes zeınataqyny tóleý úshin úsh sýbekt jaýapty bolady: memleket, jumys berýshi jáne jumysshy. Bul rette ár azamat óziniń jaýapkershiligin bilýi tıis. Zeınetke shyǵý úshin qajetti jarna tólep otyrýy qajet»,- dedi mınıstr. Onyń atap ótýinshe, memleket óz tarabynan barlyq zeınetaqy tólemderin tólep keledi jáne onyń kólemin arttyrý máselesin de qolǵa alýda. «Biz bárimiz jumysshy retinde jalaqymyzdan 10 paıyzdyq jarnamyzdy tólep kelemiz. Endi bizdiń zeınetaqy qorymyzǵa úshinshi sýbekt tólem jasaıdy. Qazirgi ýaqytqa deıin jumys berýshi qyzmetkerine zeınetaqy jarnasyn tólep kele jatqan joq. Biz ózimizdiń eńbekaqymyzdan 10 paıyz tólep kelemiz. Endi ózgeristerge sáıkes 2020 jyldan bastap jumys berýshi óziniń qarajaty esebinen qosymsha 5 paıyz tóleıtin bolady. Mine osy úsh sýbektiden turatyn kópdeńgeıli zeınatqy júıesin biz 2020 jylǵa qaraı tolyq túzip bitýmiz kerek»,- dedi mınıstr.
Sonymen qatar Tamara Dúısenova jyldan bastap zeınet jasyn arttyrý bastalatynyn aıtty. «О́zderińizde bilesizder, 2014 jyly zeınetaqyny odan ary jańǵyrtý jónindegi tujyrymdama, Zań qabyldandy. Soǵan sáıkes, 2018 jyldyń 1 qańtarynan bastap zeınet jasyn arttyrý bastalady. Biraq biz áıelderdiń zeınet jasyn 63-ke deıin arttyrýdy 10 jyl ishinde, 2018 jyldan 2028 jylǵa deıin júrgizemiz. Iаǵnı, áıel azamatshalarymyz 2028 jyly ǵana 63 jasqa tolǵanda zeınetkerlikke shyǵady», - dedi Tamara Dúısenova. Onyń aıtýynsha, 2018 jyldyń 1 shildesinen bastap elimizde zeınetaqynyń bazalyq deńgeıi kóteriledi. «Sondyqtan oǵan ilikken azamatshalardyń bazalyq zeınetaqylary 2 esege ulǵaıtylyp beriledi. Iаǵnı, azamatshalarymyz zeınetaqy kóleminen utatyn bolady. Ary qaraı áıelderdiń zeınet jasyn 63-ke deıin ulǵaıtý úshin jarty jyldan qosylyp otyrady», - dedi ol. Mınıstrdiń sózine qaraǵanda, 2010 jyly qurylǵan Áleýmettik saqtandyrý qorynan dúnıege bala ákelgen analarǵa járdemaqy berilip keledi. «Dúnıege bala ákelgen 150 myńǵa jýyq ana óz jalaqylarynyń 40 paıyzyn atalǵan qordan alatyn. 2016 jyly atalǵan qordan járdemaqy alatyn analardyń sany 255 myńǵa jetti. Iаǵnı 105 myńǵa artyp otyr. Demek, biz osy ýaqytta analardy jumysqa tartýǵa kóp kóńil bóldik degen sóz. Qazirgi ýaqytta jumys istep júrgen analardyń sany kóbeıýde»,- dedi Dúısenova.