Shymkent qalasy Abaı aýdandyq polısııa bóliminiń qyzmetkerleri 19 jasar jigitti qarýmen ustady dep habarlaıdy «Egemen.Kz» tilshisi.
Polıseıler kóshede kúmándileý kóringen sómke asynǵan jigitti toqtatqan. 1998 jylǵy Shymkenttiń turǵyny sómkege «Chick» dep atalatyn myltyqty salyp alypty. Kúdikti bul myltyqty kósheden taýyp aldym dep aıtady. Polıseılerdi mundaı dálelmen aldap ketý qıyn. О́ıtkeni, sýyq qarýmen ustalǵandardyń deni osy ertegini aıtady.
Jaqynda ǵana Shymkenttegi meshittiń qasynda atys bolyp, 14 jasar bozbala qaıtys bolǵan edi. Bir adam aýrý halde aýrýhanaǵa jetkizilgen. Bir-birin jaqsy biletin adamdardyń turmystyq kıkiljýi osyndaı aýyr zardapqa uryndyrdy. «Kósheden taýyp alǵan» myltyqtyń atylmaı qoımaıtyndyǵy anyq. Endi osy fakt boıynsha QR Qylmystyq kodeksi 287-baby «zańsyz satyp alý, berý, satý, saqtaý, tasymaldaý nemese qarý-jaraq, oq-dárilerdi, jarylǵysh zattardy jáne jarylǵysh qurylǵylardy ótkizý» boıynsha qujattalyp, sotqa deıingi tergeý amaldary júrgizilip jatyr.
Baqtııar TAIJAN,
«Egemen Qazaqstan».
Ońtústik Qazaqstan oblysy.