KASE-niń kúndizgi sessııasynyń qorytyndysy boıynsha 1 AQSh dollary tańǵy sessııamen salystyrǵanda 0,69 teńgege arzandap, 317,56 teńgege teń boldy.
Bir kúndik nátıjemen salystyrǵanda nyǵaıǵan ulttyq valıýta dúısenbiden bergi bes kún ishinde 1,71-ge tómendegen.
Al munaı baǵasyna keler bolsaq, naryq osy apta aýmaly-tókpeli boldy. Apta basynda shyqqan AQSh energetıka mınıstrliginiń málimdemesi men OPEK uıymynyń munaı óndirisin azaıtý týraly jumystarynyń búginge deıingi nátıjeleri Brent baǵasyn eki jaqqa tartýmen boldy. Oǵan qosa, dollardyń qunynyń nyǵaıýy da baǵaǵa keri áserin tıgizbeı qoımady.
Nátıjesinde, apta basyn 55,80 dollar aınalasynda bastaǵan qara altyn quny aptanyń ekinshi kúni 56,42 dollarǵa deıin kóterilip ketti. Al seısenbi men beısendi aralyǵynda baǵa 55 dolalrdan 53 dollarǵa deıin tómendep, jumany 52 dollardyń aınalasynda qorytyndylady. Juma kúni 52,40 dollarǵa turaqtalǵan Brent quny osylaısha bir aptada 3,50 dollarǵa deıin joǵaltty.