Endi Qytaıdan óndiristik qural-saımandar satyp alatyn kásipkerler onlaın túrde tapsyrys berip, bank kartasy arqyly tólem jasaı alady.
Búgin Almatyda ótken baspasóz konferensııasynda Qazkommersbank (Qazkom), halyqaralyq UnionPay International (QHR) tólem júıesi men sınszıandyq Yazhong (Cemarket, QHR) kompanııasy elektrondyq cemarket.kz saýda alańy men jeke kásipkerlerge arnalǵan Cemarket kobrendıngtik kartasyn tanystyrdy, dep jazady 7kun.kz.
Qazkom usynyp otyrǵan kobrendıngtik kartada zańdy tulǵalarǵa túrli jeńildikter qarastyrylǵan. Barlyq qajetti quraldardy cemarket.kz saıtynda onlaın toltyrýǵa bolady. Odan bólek árbir satyp alynǵan taýar úshin bonýstar qosylady.
Cemarket kobrendıngtik karta qazaqstandyq kásipkerler satyp alǵan taýarlardyń qunyn teńgemen tóleýge múmkindik beredi. Al tólem qytaılyq jetkizýshi kompanııalarǵa birden ıýanmen túsedi. Bul jerde valıýta konvertasııasy AQSh dollary arqyly emes, birden teńgeden ıýanǵa aýysady.
Qazkom-nyń basqarýshy dırektory Nurlan Jaǵyparov sońǵy kezderi Qytaıdan elimizge tasymaldanatyn óndiristik-qural saımandardyń ıpmort kólemi artqanyn aıtty.
«Biraq soǵan qaramastan, transshekaralyq saýdanyń ósýin tejeıtin birqatar máseleler áli de óz sheshimin tapqan joq. Olardyń ishinde valıýtalyq kelisimsharttardy toltyrý jáne teńgeni ıýanǵa AQSh dollar arqyly aýystyrýdaǵy shyǵyndardy aıtýǵa bolady. Bizdiń qytaılyq UPI jáne Yazhong seriktestermen birigip is-júzine qosqan jobamyz ımporttyq kelisimsharttarǵa baılanysty negizgi máselelerdi sheshedi», — dedi.
Cemarket kartasyn úsh túrli valıýtada: ıýanmen, teńgemen, dollarmen 5 jyldyq merzimge ashýǵa bolady. Banktiń qyzmet kórsetý quny birinshi jyly 990 teńge, odan keıingi jyldary 800 teńge bolady.
Qytaılyq Cemarket elektrondyq saýda alańy 2016 jyly qurylǵan. Búgingi kúni ol túrli qural-saımandardy (óndiristik, taý-ken shahta, qaıta óndirýshi, qurylys, qoıma, aýylsharýshylyq jáne tabıǵat qorǵaý) shyǵarýshy jáne satýshy kompanııalardy biriktiretin saıt, ári túrli elektromehanıkalyq, qurylys quraldary men jabdyqtardyń ınternet-platformasy.