Ońtústik Qazaqstan oblysynda sybaılas jemqorlyqtyń aldyn alý úshin «Esikten esikke» aksııasy bastaldy. Sharany Memlekettik qyzmet isteri jáne sybaılas jemqorlyqqa qarsy is-qımyl agenttiginiń óńirlik departamenti uıymdastyryp otyr.
Sala mamandarynyń sózinshe atalǵan aksııa halyq arasynda durys kózqaras qalyptastyryp, jemqorlyqtyń aldyn alýǵa baǵyttalǵan. Ol úshin oblys aýmaǵynda 38 bılbord ilinip, turǵyndarǵa únparaqtar taratylmaq, dep jazady Qazaqparat.
Ázirge bul sharalar Shymkent qalasy aýmaǵynda qolǵa alynǵan. Atalǵan jumystardy júzege asyrýǵa bir top eriktiler tartylyp otyr. Qoǵam dertine aınalǵan jemqorlyqtyń jolyn kesýge bekingen jastar búgin joǵarǵy oqý oryndaryn aralap, óz zamandastyryna eskertpe qaǵazdar taratty. Qalanyń kórnekti jerlerine «Jemqorlyqqa jol berme», «Jemqorlyqqa jol joq» syndy mátinderi bar plakattardy jabystyrdy.
Aıta keteıik, atalǵan únparaqtarda aqparattar men birge jemqorlyq sıpatyndaǵy áreketke tap bolǵan jaǵdaıda qaıda habarlasýǵa bolatyny da jazylǵan.