Bıyl «Túrkistan – Túrki áleminiń mádenı astanasy» jobasy aıasynda Ońtústik Qazaqstan oblysynda túrki mádenıetin álemge tanytý maqsatynda jyl boıy 40-qa jýyq is-shara ótkiziledi. Is-shara josparyna sáıkes túrki áleminiń halyqaralyq aqyndar aıtysy, túbi túrki tildes halyqtar teatry, opera, sırk, bı, satıra, dástúrli óner, ulttyq kıno jáne anımasııalyq fılmderdiń, qolóner sheberleriniń, mýzyka festıvalderi uıymdastyrylmaq. Búgin bul týraly О́ńirlik kommýnıkasııalar ortalyǵynda ótken baspasóz máslıhatynda oblys ákiminiń orynbasary Ulasbek Sádibekov málim etti, dep habarlady oblys ákimdigi.
«21 naýryz kúni Túrkistan qalasynda atalǵan jobanyń saltanatty ashylýy men TÚRKSOI Baspasóz syılyǵyn tapsyrý rásimi ótetin bolady. Sondaı-aq, Ulystyń uly kúni – Naýryz toıy merekelenip, Q.A.Iаsaýı atyndaǵy HQTÝ-dyń Mádenıet ortalyǵynda resmı qonaqtardyń qatysýymen «Túrkistan jáne Túrkologııa» atty Halyqaralyq ǵylymı-teorııalyq konferensııa ótkizýdi josparlap otyrmyz», - deıdi Ulasbek Sádibekuly.
Mádenı is-sharalardyń basym kópshiligi Túrkistan qalasynda ótedi. Keıbir is-sharalar Túrkistan qalasynan bastaý alyp, Shymkent qalasynda jalǵasyn tabady.
Jyldyń jabylý saltanaty 2017 jyldyń qarasha aıynda Túrkistanda ótetin bolyp belgilenip otyr. Jobada Túrki áleminiń 2018 jylǵy mádenı astanasy anyqtalyp, estafetasy tapsyrylady.
Budan bólek, oblys ákimi Janseıit Túımebaev bekitken is-sharalar josparyna sáıkes, Ulttyq salt - dástúr men ádep - ǵurypty dáripteý, nasıhattaý maqsatynda Naýryz merekesiniń qarsańynda oblys deńgeıinde «Naýryz» aptalyǵyn ótkizý josparlanýda. Aptalyq 15 naýryz kúni bastalyp, 21 naýryz kúni óz máresine jetedi. Merekelik aptalyq aıasynda túrli etnos ókilderi arasynda Naýryz kóje daıyndaýdan jarys, jergilikti qolónershilerdiń qolynan shyqqan kádesyılardyń jármeńkesi, tazalyq aksııasy, ulttyq ónimder jármeńkesi, qaıyrymdylyq sharalaryn ótkizý kózdelip otyr.