Astana qalasynda Dúnıejúzilik «Qazaq kúresi» federasııasynyń kongresi ótedi. Oǵan Ulttyq federasııalar jáne dástúrli kúres túrleri federasııalarynyń ókilderi qatysady, dep habarlaıdy QazAqparat
Kongrestiń kún tártibinde qazaq kúresiniń jer sharynyń ár túkpirinde qanat jaıýy jáne keleshek damý joldary qarastyrylady. Sharaǵa Amerıka, Afrıka, Eýropa jáne Azııa qurlyqtarynan jalpy 50 eldiń delegattary, Qazaqstan Respýblıkasy Mádenıet jáne sport mınıstrligi sport jáne dene shynyqtyrý isteri komıtetiniń qyzmetkerleri, ulttyq kúrestiń ardagerleri jáne belgili mamandar qatysady.
Dúnıejúzilik «Qazaq kúresi» federasııasynyń kongresi 13 naýryzda Astana qalasyndaǵy «Beijing Palace Soluxe» qonaq úıinde ótedi.