Otandyq kásipqoı boksshy Gennadıı Golovkın men Qazaqstan Týy WBC belbeýine beınelenedi. Mundaı ózgerister Gennadıı Golovkınniń álemdik sport qaýymdastyǵyndaǵy orny men oǵan degen syı-qurmettiń belgisi bolyp tabylady, dep habarlaıdy QazAqparat
Búkilálemdik boks keńesiniń (WBC) jasyl-altyn tústes beldigi sońǵy 37 jylda birqatar ózgeriske ushyrady. Sońǵysy – oǵan Qazaqstannyń kók týynyń enýi.
WBC belbeýinde boks tarıhyndaǵy eń úzdik ári eń myqtylar beınelenip keledi. Olardyń qatarynda Muhammed Alı, Maık Taıson, Lennoks Lıýıs, Reı Leonard, Roberto Dıýran, Hýlıo Sezar Chaves, Larrı Holms, Vıtalıı Klıchko, Marvın Hagler, Tommı Herns, Oskar de La Hoııa jáne Floıd Meıvezer bar.
Endigi kezekte, óz halqynyń abyroıyn asqaqtatqan Gennadıı Golovkınge qurmet retinde elimizdiń jalaýymen birge onyń beınesi álem myqtylarynyń belbeýinde kórinis tabatyn bolady.
Eske sala keteıik, 18 naýryz kúni Gennadıı Golovkın óz tıtýlyn qorǵaý úshin amerıkalyq Denıel Djeıkobspen judyryqtasady. Aıqas Nıý-Iorktiń Medıson Skver Garden arenasynda ótedi. Jekpe-jek qazaqstandyq telearnalardan 19 naýryz kúni tańerteńgi saǵat 08.00-de tikeleı efırden kórsetiledi.