Osy apta jahandyq qarjdy naryǵy AQSh, Japonııa, Ulybrıtanııa men Shveısarııanyń ortalyq bank basshylarynyń keńesin nazarda ustamaq.
Investorlar sonymen qatar, Germanııadaǵy G20 elderiniń eki kúndik forýmynan da jańalyq kútedi. Onda jahandyq ekonomıkanyń búgingi ahýaly, valıýta saıasatynyń endigi baǵyty men valıýta aıyrbasynyń baǵamy týraly sóz bolmaq.
1. FRJ-nyń paıyzdyq mólsherlemesi týraly sheshimi
Qoǵamdyq pikirge súıensek, AQSh Federaldy rezerv júıesiniń (FRJ) ashyq naryqtar týraly federaldy komıtetiniń osy jolǵy otyrysynda AQSh dollarynyń bazalyq mólsherlemesi 0,25 pýnktke kóbeıtilýi múmkin. FRJ sheshimi Astana ýaqytymen sársenbiden beısenbige qaraǵan túni qabyldanbaq. Sarapshylardyń pikirinshe, qazirgi 0,50-0,75 paıyzdyq mólsherleme 0,75-1,00 aralyǵyna kóterilmek.
AQSh ortalyq banki sonymen qatar, ekonomıka ósimi týraly málimdemesin jarııalamaq.
Budan bólek, FRJ tóraıymy Djannet Iellen baspasóz májilisin ótkizedi.
Sarapshylardyń pikirinshe, bıyl jyl sońyna deıin dollardyń paıyzdyq ústemesi taǵy eki ret kóterilýi tıis. О́ıtkeni, ótken jyldyń jeltoqsanyndaǵy otyrysta Djannet Iellen osyndaı tuspal aıtqan edi.
2. Japonııa bankiniń valıýta saıasaty týraly sheshimi
О́tken joly Japonııa banki paıyzdyq mólsherlemeni 0,1 paıyz deńgeıinde saqtap qalǵany esimizde. Endi seısenbi kúni tańerteń Japonııa bankiniń kezekti otyrysy ótip, taǵy osy másele qaralady.
Sharadan keıin japon ortalyq bankiniń basshysy Harýhıko Kýroda baspasóz máslıhatyn ótkizbek.
3. Anglııa bankiniń sheshimi
Astana ýaqytymen 17:00-de, beısenbi kúni Anglııa ortalyq bankiniń fýnttyń bazalyq mólsherlemesi týraly sheshimi jarııalanady. Sarapshylar, bul joly aıtarlyqtaı jańalyq bolmaıdy desedi.
Investorlardyń pikirinshe, Anglııa banki jetekshileri eldegi ekonomıkalyq ahýaldy eskere otyryp qarjylyq qoldaý maqsatynda fýnttyń bazalyq mólsherlemesin sol qalpy qaldyrýy tıis.
Esterińizge sala keteıik, eldegi jumyssyzdyqtysń kóbeıýi men Breksıt aıasynda Anglııadaǵy ınflıasııa deńgeıi sońǵy bir jylda kóbeıip ketken edi.
4. Shveısarııa ulttyq bankiniń paıyzdyq mólsherleme sheshimi
Shveısarııa ulttyq banki maýsymdyq kezekti málimdemisin jarııalamaq. Sarapshylardyń pikirinshe, eldegi qazirgi 0,75 paıyzdyqó mólsherleme sol qalpy ózgerissiz qalýy tıis.
El úkimeti sveısarııalyq frankqa degen suranysty qamtamasyz etý úshin sheteldik valıýta ıntervensııasyn jalǵastyra túsedi degen boljam bar.
5. G20 sammıti
Juma men senbi kúnderi nemistiń Baden-Baden qalasynda álemdegi eń iri ekonomıkalardyń ortalyq bank jetekshileri jáne qarjy mınıstrleriniń jıyny ótedi. Onda jahandyq ekonomıkalyq ahýal talqylanbaq.
Bul jolǵy jańalyq, bıyl alǵash ret Tramp ákimshiliginiń proteksıonıstik saıasat ustanatyn ókilderi qatyspaq.