Qazaqstan-BUU: Qarym-qatynas damı beredi

Qazaqstannyń BUU janyndaǵy О́kildiginde (Nıý-Iork) elimizdiń atalǵan Uıymǵa múshelikke qabyldanýynyń 25 jyldyǵyna arnalǵan is-shara ótkizildi. Kezdesýge AQSh-tyń jetekshi taldaý ortalyqtarynyń, halyqaralyq BAQ ókilderi – BUU-nyń jýrnalıster qaýymdastyǵynyń músheleri qatysty. Is-shara barysynda Qazaqstan Respýblıkasynyń BUU janyn­daǵy Turaqty ókili Qaırat Omarov qatysýshylardy eldiń BUU-men qarym-qatynasyndaǵy negizgi ba­ǵyttary: qaýipsizdik, ıadrolyq tarat­paý, terrorızm men transulttyq qylmys, turaqty damý, klımat­tyń ózgerýi boıynsha Qazaqstannyń ót­ken jyldardaǵy jetistikteri, mańyz­dy kezeńderi týraly aqparatpen tanystyryp ótti. Budan bólek, jıyn qonaqtary ókildik ázirlegen beınefılm arqyly Qazaqstannyń ıadrolyq qarýsyz­daný salasyndaǵy bastamalary – Semeı polıgonyn jabý, toqsanyn­shy jyldardaǵy ıadrolyq áleýetten bas tartý, Ortalyq Azııany ıadrolyq qarýdan azat aımaq dep jarııalaý, dinaralyq únqatysý – Álemdik jáne dástúrli dinder lıderleriniń otyrysyn shaqyrý, Azııadaǵy ózara is-qımyl jáne senim sharalary jónindegi keńes ótkizý týraly málimettermen tanysty. Sondaı-aq, BUU Qaýipsizdik Keńesindegi turaqty emes múshe­ligi aıasyndaǵy Qazaqstannyń basym baǵyttary, Keńestiń negiz­gi komıtetteriniń tóraǵasy retindegi mindetteri bólek talqylandy. Buǵan qosa, jıynda Qazaqstannyń Qaýipsizdik Keńesiniń múshesi retin­degi qyzmeti Elbasy Nursultan Nazarbaevtyń BUU QK múshelerine arnaǵan «Qaýipsiz, ádil jáne ór­kendegen álem qurý úshin jahandyq áriptestikti nyǵaıtý jónindegi Qazaqstannyń tujyrymdamalyq kózqarasy» atty saıası Úndeýi jáne «Álem. HHI ǵasyr» manıfesiniń negizgi qaǵıdattaryna súıenip júrgi­ziletini atap kórsetildi. Sonymen qatar, basqosýda ener­getıkalyq qaýipsizdik jáne aldaǵy ýaqytta Astanada ótetin EKSPO-2017 halyqaralyq kórmesi men basqa da taqyryptar qozǵaldy. Kezdesý barysynda BUU Bas hat­shysynyń orynbasary keńsesiniń basshysy, BUU-nyń Nashar damyǵan elder jáne teńizge shyǵar joly joq elder boıynsha ókili Sandagdorodj Erdenbıleg, Global Security Institu­te halyqaralyq ÚEU prezıdenti Djonatan Granoff Qazaqstannyń BUU-nyń baǵdarlamalary men jobalaryn iske asyrýdaǵy jáne álem­dik shıelenisterdiń aldyn alý­daǵy, damý baǵdarlamasynyń aıasyn­daǵy maqsattar men mindetterdi júze­ge asyrýdaǵy mańyzdy úlesin atap ótti, dep habarlady Qazaqstan Respýb­lıkasy Syrtqy ister mınıstrliginiń baspasóz qyzmeti.