Kókshetaý qalasyndaǵy «RIO» saýda-saýyq ortalyǵynda EKSPO-2017 halyqaralyq mamandandyrylǵan kórmesine kirý bıletterin satatyn kassa ashyldy. Endi kórermender Astanaǵa sabylmaı, jergilikti jerde bılet satyp ala alady.
Arnaıy kórme kassasynyń esepshisi Áıgerim Bekmaǵambetovanyń aıtýynsha, ústimizdegi jyldyń 8 naýryzy men 10 qyrkúıegi aralyǵynda atalǵan bılet satý orny demalyssyz jumys isteıtin bolady. Bul rette Uly Otan soǵysynyń ardagerleri, múmkindigi shekteýli jandar jáne jetim balalar kórmeni tegin tamashalaýǵa múmkindik alyp otyrǵandyǵyn aıta ketken jón. Al mektep oqýshylaryna stýdentterge, zeınetkerler men kópbalaly otbasylarǵa 50 paıyzdyq jeńildik qarastyrylǵan.
Kókshetaýda ashylǵan kassadan alǵan bılet alýshylardyń biri Gúljıhan Seıtqasymova óziniń áserimen bólise kelip, bylaı dedi: «Men qalamyzda osyndaı turǵyndarǵa yńǵaıly orynda EKSPO-2017 kassasynyń ashylýyna qýanyshtymyn. Mamandandyrylǵan kórme elimizdiń halyqaralyq arenada tanymal bolýyna jol ashady. Aıtpaqshy, bıletterdi saıt arqyly satyp alýǵa bolady eken. Sondaı-aq, bıletter «Meloman» dúkender jelisinde jáne «Qazposhta» bólimshelerinde satylýda.
Asqar TURAPBAIULY,
«Egemen Qazaqstan»
Aqmola oblysy