Ata Zańǵa ózgerister engizý arqyly júzege asyrylatyn saıası reformalardyń basty baptarymen tanysý maqsatynda oblystyq, aýdandyq qoǵamdyq kelisim keńesteri, oblystyq QHA ǵylymı-sarapshylyq tobynyń músheleri, etnomádenı birlestikter ókilderi Dostyq úıine jınaldy.
«Memleketimizdiń basty qundylyqtarynyń biri – ultaralyq kelisim. Ortaq múdde jolynda birlese qyzmet etýdi Atyraýdaǵy ózge ult ókilderi de qýattaıdy. Birligi men berekesi jarasqan elimizdiń jańa belesterdi baǵyndyrýyna qabyldanǵan konstıtýsııalyq reforma oń yqpal etedi dep senemiz», – dedi oblystyq Qazaqstan halqy Assambleıasy hatshylyǵynyń basshysy Gúlmıra Shákirova.
Májiliste tarıh ǵylymdarynyń kandıdaty, professor Bolat Nyǵymetov, Atyraý oblysy Qazaqstan halqy Assambleıasy ǵylymı-sarapshylyq tobynyń múshesi, tarıh ǵylymdarynyń doktory Kárim О́telbaev konstıtýsııalyq reformanyń memlekettilikti damytýdyń jańa kezeńi ekeni jaıynda sóz sóıledi.
Oblystyq QHA Qoǵamdyq kelisim keńesiniń tóraǵasy Dúısenbek Quljanov, «Novrýz» ázerbaıjan etnomádenı birlestiginiń tóraǵasy Eldar Ahmedov, «Bylına» orys etnomádenı birlestigi tóraǵasynyń orynbasary Raısa Bıtkova ózderiniń sózderinde atalǵan reformany júzege asyrý jalpyhalyqtyq is ekenine toqtaldy.
Qoǵamdyq kelisim jáne dostyq úıinde qazir 17 etnomádenı birlestik jumys isteıdi. Al jaqynda barlyq aýdandardaǵy ákimdikter janynan Assambleıa saıasatyn júrgizýge, Qoǵamdyq kelisim, analar men jastar keńesteriniń jumystaryn uıymdastyrýǵa arnaıy shtat ashyldy.
Baqytgúl BABASh,
«Egemen Qazaqstan»
ATYRAÝ